ආණ්ඩුවට කඩේ යන උන් වෙත

රාවුෆ් හකීම් ඇතුළු මුස්ලිම් කොන්ග්‍රස් එක මේ වෙලාවේ සිරිසේන මහත්තයාට එකතු උනේ මේ රටට යහපාලනයක් ඇති කිරීමේ පරම පිවිතුරු උදාර චේතනාවෙන්. මහින්ද රාජපක්ෂ ආණ්ඩුවේ තිබ්බ දුෂණය භිෂණය වංචාව නාස්තිය වගේ දේවල් නිසා ඇත්තටම එයාල හොදටෝම කලකිරිලයි හිටියේ. ඒත් එයාල ආණ්ඩුවට නිවැරදි මාර්ගයට එන්න මෙච්චර කාලයක් කල් දුන්නා. ඒත් මේ දුෂිත ආණ්ඩුව නිවැරදි මාවතට ආවේ නෑ සහෝදරවරුනි.

එයාලට වැදගත් බලය නෙවෙයි, ජනතාවට සේවයක් කිරීම තමයි එයාලගේ එකම පැතුම. ඉතින් අල්ලභ් දෙවියන්ගේ නාමයෙන් සියලු ශ්‍රී ලාංකීය ජනතාවට යහපාලනයක් ගෙන ඒමේ අවංක පිවිතුරු චේතනාවෙන් ගත්ත තීරණයක් මේක. 

එයාල නැගෙනහිරට වෙනම පරිපාලන දිස්ත්‍රික්කයක් ඉල්ලුවා කියලා නහින්න හදන ආණ්ඩුවට කඩේ යන සියලු දෙනාටම මම කියන්න කැමතියි මුස්ලිම්වරු කියන්නේ ලෝකේ ඉන්න ඉතාමත්ම දැහැමි සාමකාමී ජාතියක්, තම ජාතිය ලෝකේ පුරා ව්‍යාප්ත කරන්න ඔවුන් හීනෙකින්වත් හිතන්නේ නෑ. බලය ධනය දුෂණය භිෂණය කියන වචන එයාලගේ ශබ්ද කෝෂයේ කොහෙවත්ම නෑ.

ඉතින් මම මේ අවස්ථාවේ ඔබ තමුන්නාන්සේලාගෙන් කාරුණිකව ඉල්ලා සිටින්නේ අපේ රාවුෆ් හකීම් මහත්තයා හීනෙන්වත් ඉල්ලන්න බලාපොරොත්තු නොවිච්ච දේවල් ඇදගෙන ඒ මැතිතුමාට මඩ ගහන එක නවත්වන්න කියලා. සිංහල දෙමල මුස්ලිම් බර්ගර් හැමෝම සමගියෙන් සාමයෙන් වෙසෙන යහපාලනයක් ඇති කරන එක තමයි මුස්ලිම් කොන්ග්‍රස් කියන එකේ සහ රාවුෆ් හකීම් මැතිතුමාගේ තියෙන එකම හීනය බලාපොරොත්තුව අධිෂ්ටාණය. මේක කියවූ ඔබ සැමට
ඉස්කෝතුයි

මහින්ද සමග මෛත්‍රී එදා අද සහ හෙට

යුද්දේ දින්නට මහින්දට 2009 ඉදන් 2014 වෙනකම් රට කන්න දුන්නා ඇති කියලා කට්ටිය එකසිය ගානට කියවනවා. ඒත් එහෙම කියන එකෙක්ටවත් මතක නෑ 2009 දීත් මහින්දට ඔතනට එන්න දෙන්නේ නැතුව එලවගන්න දගලපු දැගලිල්ල. මේ ටික ලියලම දාන්න හිතුනේ මේ කියවිල්ල දැකලම එපා වෙලා. 

යුද්දේ ඉවර කරපු ගමන් රටේ ජනාදිපතිවරයාට එරෙහිව හමුදාපතිවරයාව බලයට ගේන්න එදා දැගලුවෙත් අද දගලන සෙට් එකම තමයි. අද ඒවා ඔක්කොම අමතක වෙලා අහසින් පාත් උනා වගේ කලගුණ සලකන්න මහින්දට රට භාර දුන්න වගේ කතා කිව්වට 2009 දීත් පැත්තක හිටපු මනුස්සයෙක්ව බල ලෝභයෙන් අන්ධ කරවලා ඒ මනුස්සයාගේ අනාගතේ විනාස කරලා දැම්මේ රට කොටින්ගෙන් බේරගත්ත එකට කල ගුණ සලකන්න වෙන්න ඇති. යුද්දේ දින්නට ඔය කියවන තරමට කල ගුණ සලකන්න එදත් සැදී පැහැදී හිටිය කියන මිනිස්සු එදා මොන මගුලකටද රටේ සේනාධිනායකයයි හමුදා නායකයයි කෙටෙව්වේ. එහෙමත් කරලා බැරි වෙච්ච තැන අදත් හොරකම භිෂණය දුෂණය ඒකාධිපති පාලනය වගේ ලොකු ලොකු කතාන්තර සෙට් එකක්ම කියාගෙන මහින්ද එලවන්න හින දකිනවා.

මහින්දගේ හොරකම දුෂණය භිෂණය ගැන කතා කරන්නේ අවුරුදු එකොළහක් යුද්දේ වවාගෙන කන ගමන් රටත් කාපු ගෑනියෙක්. ආයුධ ගේනකොට එහෙන් හම්බ වෙන කොමිස් කුට්ටිය කාටවත් පේන්නේ නෑ, රටේ පොදු පහසුකම් සංවර්ධනය වෙනකොට තමයි ඉස්සර පෙනුනේ නැති දේවල් උනත් හැම එකාටම පේන්න පටන් ගන්නේ.
එදා ගහපු කොමිස් කරපු හොරකම් කොච්චරද කියල මිනිස්සුන්ට පෙනුනේ නැත්තේ අන්න උතුරේ මිනි මරනවෝ කියලා යුද්දයක් කියල එකක් රටේම උන්ට පේන්න තිබුන නිසා. එදා කොච්චර කොමිස් ගැහුවත් හොරකම් කලත් කාටවත්ම පෙනුනේ නැත්තේ ඒකයි. අද ඉන්න නායකයන්ට එහෙම පෙන්නන්න මොකුත් නෑ. ජනතාවට පෙන්නන්න ප්‍රශ්නයක් නැති නිසා හොරකම වංචාව තමයි එක පාරටම පේන්න පටන් ගත්ත ලොකුම ප්‍රශ්නේ.

ඕනෑම මිනිහෙක් දේශපාලනේට එන්නේ නිකම් අත පිහදාගෙන යන්න නෙවෙයි. බලයට එන්න කලින් මොන ධර්මය දේශනා කලත් බලය අතට ගත්තට පස්සේ මුලින් කියපු කතාන්තර එකක්වත් මතක නෑ, ඒක මනුස්සයෙක් උනාම ගොඩ දෙනෙකුට පොදුයි.

ඊට පස්සේ ඒකාධිපති පාලනේ ගැන කියවන්නේ පක්ෂයේ ඉන්න  ඔක්කොම ප්‍රභල නායකයෝ ටික ආණ්ඩුවට එකතු වෙනකම් උඩ බලාගෙන ඉදලා ජිවිත කාලෙටම පක්ෂ නායකත්වය තමන්ට රැක ගන්න පුළුවන් විදියට පක්ෂයේ ව්‍යවස්ථාවේ ඉදන් වෙනස් කරගත්තු එකෙක්. භිෂණය ගැන කියවන්නේ කුරුඳු පොලු හමුදාවේ ලොක්කා.
ඒ මදිවට මේ හැම එකෙන්ම රට ගලවගන්න කියල ඉදිරිපත් වෙලා ඉන්නේ  තමන් ඉදිරිපත් කරන්න හදපු සෞඛ්‍ය පනතේ වත් එක කොපියක් පරිස්සම් කරගන්න බැරි වෙච්ච මෙච්චර කාලයක් ඇමති ධුර දරාගෙන ඉදලා කරා කියන එක වැඩක් පෙන්නන්න බැරි වෙච්ච පතෝල නායකයෙක්.

එහෙම කියනකොටත් බුකියේ කට්ටිය නම් කියන්නේ ඝෝටාභය වැඩක් කරන්න දුන්නේ නෑ. මහින්ද පවුල් පාලනයෙන් වියරු වැටිලා වගේ හිනා යන කතා සෙට් එකක් විතරයි. මොකද සිරිසේන කියන්නෙත් වැඩ බැරි මනුස්සයා උනත් කතාන්තර කියන්න පුළුවන් එකෙක්. නැත්තම් මෙලෝ වැඩක් නැතුවට අවුරුදු හතලිස් ගානක් දේශපාලනේ කරයියැ. තමන්ට වැඩක් කරගන්න ආණ්ඩුවෙන් ඉඩක් හම්බ උනේ නැත්තම් මෙච්චර කල් ඔය කියන ආණ්ඩුවේම ඇමතියෙක් වෙලා බකන් නිලාගෙන හිටියේ අහවල් බම්බුවකටද? ඒ දවස් වලම ආණ්ඩුවෙන් එලියට බැහැලා විපක්ෂයේ වාඩි වෙන්න තිබුන නේ.

අනික මහින්දගේ කෘර පාලනය යටතේ ඇමති කෙනෙකුට එහෙමවත් වැඩක් කරගන්න දුන්නෙම නෑ කියමු. චන්ද්‍රිකාගේ කාලෙත් සිරිසේන කියන්නේ 2001 ඔක්තෝබර් ඉදන් ශ්‍රී ලංකා නිදහස් පක්ෂයේ මහ ලේඛම් ඒ වගේම 2004 පාර්ලිමේන්තු සභා නායක වගේම  2004 දී නව එක්සත් ජනතා නිදහස් සන්ධාන රජය තුළ ගංගා නිම්න සංවර්ධන හා රජරට සංවර්ධන ඇමති. ඒත් කරපු වැඩක් නම් නෑ. එහෙම හිටපු ඒ මනුස්සයට 2007 ජනවාරි මස කැබිනට් සංශෝධනය මගින් කෘෂිකර්ම සංවර්ධන හා ගොවිජන සේවා සංවර්ධන ඇමති විදියට පත් කරලා නග්ගලා ගත්තෙත් මහින්ද රාජපක්ෂම තමයි. 2010 මේ සිරිසේන අප්‍රේල් මාසයේ ඉදන් රටේ සෞඛ්‍ය ඇමති විදියට හිටියත් ජනතාවට දැනෙන්න වැඩක් කරපු කෙනෙක් නෙවෙයි.

1995 මහින්ද වෘත්තීය පුහුණු අධිකාරිය හැදුවේ ජනාධිපති වෙලා නෙවෙයි. ඒ මනුස්සයා රටේ  මිනිස්සුත් එක්ක හිටිය මිනිස්සුන්ගේ ප්‍රශ්න අදුන ගත්ත කෙනෙක් වෙච්ච නිසා. එදා ඒ කරපු නිර්මාණයෙන් කාර්මික අධ්‍යාපනය ගමට ගිහින් ගමේ හිටපු තරුණ තරුණියන් රැසකට තමන්ගේම රැකියා ආරම්භ කරන්න අවස්තාව සැලසුණා කියන එක අද කාටවත් මතක නෑ. මහින්ද රාජපක්ෂ ශ්‍රී ලංකාවේ ප්‍රථම වරට කම්කරු ප්‍රඥප්තියක් කෙටුම්පත්  කරලා ඉදිරිපත් කළත් චන්ද්‍රිකා රජය යටතේ එය ක්‍රියාත්මක උනේ නෑ.

ඒ විතරක් නෙවෙයි කම්කරු ඇමති විදියට මහින්ද රටට අලුත් දේවල් දෙනකොට ඒ කාලෙම තමන්ට තර්ජනයක් වෙයි කියල දැනුන නිසාම චන්ද්‍රිකා කලේ මහින්දව ධිවර ඇමති බවට පත් කිරීම. වැඩක් කරපු මනුස්සයෙකුට මාළු අල්ලන්න භාර දුන්න වගෙයි කියල ඒ කාලේ මිනිස්සු කිව්වේ ඒ නිසා. ඒත් මාළු අල්ලන්න හම්බ වෙච්ච ඇමතිකමේ ඉදගෙනත් සාගර කටයුතු පිළිබඳ විශ්වවිද්‍යාලයක් එක්කම වෙරළ ආරක්ෂණ අංශයක් ඇති කරන්නත් මහින්ද රාජපක්ෂ කටයුතු කලේ ජනාධිපති විදියට නෙවෙයි.

හොරකම දුෂණය ගැන මොන තරං කතා කිව්වත් ඔය එකක්වත් ඔප්පු කරන්න සාක්ෂි තියෙන චෝදනා නෙවෙයි. හොරා හොරා කියල කෑගැහුවට මහින්ද මෙන්න මෙතන මේ විදියට ගසාකාල තියෙනවා කියල සාක්ශි එක්ක කතා කරන්නවත් නෑ. ගිරව් වගේ මොකෙක් හරි එකෙක් කිව්ව එකක් ඔහේ කියවනවා විතරයි. දැන් රටේ කියන කතා වල හැටියට නම් පේන්නේ පාරේ වැඩ කරන මනුස්සයෙක් සිමෙන්ති කොට්ටයක් හොරෙන් අරගෙන ගෙදර ගියත් ඒකත් කරලා තියෙන්නේ මහින්ද. ජීවිතේට මොකුත්ම හොරකම් කරලා නැති මිනිස්සු වගේ මහින්දගේ දුෂිත පාලනයට එරෙහිව බනින්න ඉදිරිපත් වෙලා ඉන්නේ පාරෙන් සිමෙන්ති කොට්ටේ උස්සගෙන ගෙදර ගියපු එකා. රට තනිකරම සංවර්ධනය කරලා තියෙන්නේ චීනෙන්. ආණ්ඩුව මොකුත්ම කරලා නෑ. චීනෙන් ඇවිත් ඔක්කොම කරලා යනකම් ආණ්ඩුව ඔහේ නිදාගෙන ඉදලා.

දැන් මෙච්චර කල් රට කන්න ආසාවෙන් ඉදලත් ඒකට චෑන්ස් එකක් හම්බ උනේ නැති සෙට් එකටත් රට කන්න චෑන්ස් එකක් හදලා දීපන් කියල නොවැ ඔය කියන්නේ. කියන්න තියෙන්නේ තව එකම එක දෙයයි. මහින්ද හොරෙක් නම් මහින්දගේ හොර රංචුවේ මෙච්චර කාලයක් එකට හිටපු හොරුන්ටත් ඒ හොරකම් වලින් අත පිහදාගෙන මම විතරක් හොද මනුස්සයා කියල කියන්න බැහැ. මොකද හොරකම වරදක් නම් ඊට අනුබල දීමත් වැරද්දක්. එකම අරමුණ මහින්ද එළවීම උනත් ලොකු හොරා පන්නලා පොඩි හොරා පත් කරගත්තා කියල වෙනසක් බලාපොරොත්තු වෙන්නත් බැහැ. ඊයේ සිරිකොත ඉස්සරහ වෙච්ච දේවල් වලින් ඇති කරන්න හදන යහපාලනය කොහොම එකක්ද කියල රටේ ජනතාවට ඡන්දයට කලින්ම ඔප්පු වෙලා ඉවරයි. මෙච්චර කාලයක් ඇස් කන් පියාගෙන ඉදලා එක පාරටම දුෂණයෙන් භිෂණයෙන් තොර යහපාලනයක් ගැන ගිරව් වගේ කියවන්න පටන්ගත්ත සෙට් එකේ පැටිකිරිය ගැනත් හොයලා රටේ අනාගතය කාට භාර දෙනවද කියල තීරණය කරන එක රටේ ජනතාවටම භාරයි

සුභ අනාගතයක් මෛත්‍රී පාලනයක් 

මගේ ආදර යක්ෂණිට

වෙස්සන්තර වෙන්න

නම් බැහැ 

කවමදාකවත් 

උඹව දන් දීලා 

කාටවත් 

ඒත්....., 

සිරිසඟ බෝ නම් 

වෙන්න වෙයි වගේ 

දවසක 

නිවන් යන්න නෙවෙයි 

උඹට තියෙන 

ආදරේ හින්දම 

මේ 

උඹේ ආදරණිය 

මල යකා

____

එතුමා සමග වරුවක්

නිවේදක :
ආයුබෝවන් ප්‍රිය රසික රසිකාවියනි, අදත් ඔබ මේ එක්වී සිටින්නේ එතුමා සමග වරුවක් කාලින දේශපාලන වැඩසටහන සමගින්. ඔබ මේ වන විටත් ශ්‍රී ලංකාවේ කතිර වරණය පිලිබඳ ඉතා හොදින් දැනුවත්, ඒ නිසාම අපි තීරණය කළා  මෙවර කතිරවරණයට ඉදිරිපත් වී සිටින ප්‍රභලතම අපේක්ෂක තුමෙක් මේ සාකච්චාව සඳහා සහභාගී කරවා ගන්න.

මේ දිනවල නම කියූ සැනින් එතුමා පිළිබඳව හැමෝම දන්නා නිසා එතුමා කවුද කියා හදුනා ගැනීමේ අවස්ථාවත් අපි ප්‍රේක්ෂක ඔබ වෙතම ලබා දෙනවා. ඔබටත් 0326 736737 දුරකථන අංකය මගින් අප සමග සජීවීව සම්බන්ධ වෙන්න පුළුවන්. එහෙනම් මුලින්ම මම අපේ ආරාධිත කතිරවරණ අපේක්ෂකතුමාව ආයුබෝවන් කියල පිළිගන්නම්  
ආයුබෝවන් අපේක්ෂකතුමනි 

අපේක්ෂක :
ආයුබෝවන් ආයුබෝවන් 

නිවේදක :
මුලින්ම ඔබතුමා ගැන ඔබතුමාම පොඩි හැදින්වීමක් කලොත් හොදයි කියල මම හිතන්නේ, අපි පටන් ගනිමු ඔබතුමා දේශපාලනය ආරම්භ කරපු තැනින්ම 

අපේක්ෂක:
පළමුවෙන්ම මම ඔබට ස්තුති කරන්න ඕනේ මට මේ අවස්තාව ලබා දුන්න එක ගැන, මොකද ඇත්තම කියනවා නම් රටේ මාධ්‍ය සියල්ලටම මේ වන විට මේ දුෂිත කුරිරු ආණ්ඩුව විසින් වාරණ නියෝග දාල තියෙන්නේ විපක්ෂයේ නියෝජිතයන්ව මේ වගේ වැඩසටහන් වලට සහභාගී කරවා ගැනීම සම්බන්දයෙන්. මේ වගේ දැඩි ලෙස මාධ්‍ය නිදහස කප්පාදු කරපු තත්වයක් යටතේ උනත් මට මෙතනට ආරාධනා කරපු එක ගැන මම ආයෙමත් ස්තුතිවන්ත වෙනවා. 

නිවේදක:
අපි දන්නා විදියට දේශපාලනයට එන්න කලින් ඔබතුමා රජයේ නිලධාරියෙක් 

අපේක්ෂක:
ඔව් ඇත්තෙන්ම මම මගේ ප්‍රදේශයේ ජනතාවට දැනට අවුරුදු හතලිස් ගානකට කලින් රාජ්‍ය සේවකයෙක් වශයෙන් කරන ලද සේවයේ ප්‍රතිපලයක් විදියට තමයි ජනතාව මාව පාර්ලිමේන්තුවට තෝරා පත්කර ගත්තේ. එදා ඉදන් මම ඒ දුක් විදින ජනතාවගේ ප්‍රශ්න ගැටළු නිරාකරණය කරන්න පුදුම විදියට කැප උනේ. මට දේශපාලනික වශයෙන් මෙච්චර දුර ගමනක් එන්න හැකියාව ලැබුනේ අන්න ඒ කැපවීමෙන් කරපු ජනතා සේවය නිසා කියල මට ආඩම්බරයෙන් කියන්න පුළුවන් 

නිවේදක:
දැන් අපි ඔබතුමාගේ වර්තමාන දේශපාලන කටයුතු දිහා බැලුවොත්, ඔබතුමාගේ පාර්ශවයෙන් ඔබතුමාගේ ප්‍රතිවිරුද්ද  පාර්ශවය වෙත දැඩි ලෙස චෝදනා කරනවා සහෝදර සමාගමක් වශයෙන් රට පාලනය කරනවා කියල, ඒත් රජයේ පාර්ශවය කියන විදියට ඔබතුමාගේ සමාගම ඊට වඩා වැඩියි. තව ඔවුන්ගේ ව්‍යාපාර පිළිබඳවත් රජය චෝදනා එල්ල කරනවා. මේ සම්බන්දයෙන් ඔබ තුමා දරන ස්ථාවරය මොකක්ද කියල ජනතාව දැනගන්න කැමතියි 

අපේක්ෂක:
මුලින්ම මට ඔය වගේ චෝදනා එල්ල කරන කණ්ඩායම් වලට මම කියන්න කැමතියි මගේ සහෝදර පරම්පරාව ඔය දැනට ආණ්ඩුවේ ඉන්න අය වගේ නෙවෙයි කියල. මොකද ඒ වගකීම මම ගන්නවා, මගේ අතේ ලේ ගෑවිලා නෑ. 

නිවේදක:
සමාවෙන්න අපේක්ෂකතුමා ඔබතුමා සහෝදරයන්ගේ වගකීම ගැනීමක් ගැන නෙවෙයි මම ඇහුවේ,  

අපේක්ෂක:
ඉන්නවකෝ පනින්නේ නැතුව මගේ සහෝදරයන්ට එයාලගෙම ව්‍යාපාර කටයුතු තියෙනවා, එක මුළු රටම දන්නවා. එයාල එදා ඉදන්ම සල්ලි තිබ්බ අය. මගේ සහෝදර සහෝදරියෝ ඔය අනිත් අය වගේ පිට රට ගිහින් ෂෙඩ් වල තෙල් ගහලා කියක් හරි හොයාගෙන සහෝදරයා රජ වෙච්ච ගමන් ලංකාවට ඇවිල්ල රටේ පාලනයට සම්බන්ධ වෙච්ච අය නෙවෙයි කියල මම වගකීමෙන් කියනවා 

නිවේදක:
ඔව් අපේක්ෂකතුමා මේ අවස්ථාවේ අපේ නරඹන්නෙක් දුරකථනය හරහා සජීවීව සම්බන්ධ වනවා අපිත් සමග. ඔව් කවුද  මේ කතා කරන්නේ 

අසන්නා:
හෙලෝ මහත්තයෝ

නිවේදක:
ඔව් මට ඔබතුමාගේ නම කියනවද මුලින් කියන්න 

අසන්නා:
මහත්තයෝ මම ගම්පහ සුනිල් කතා කරන්නේ මට කතා කරන්න ඕනේ අපේ අපේක්ෂක තුමාට, 

නිවේදක:
ඔව් සුනිල් ඔබට ප්‍රශ්නය ඉදිරිපත් කරන්න පුළුවන් 

අපේක්ෂක:
ඔබතුමාට ඕන දෙයක් මගෙන් අහන්න. මොකද මම මේ වෙලාවේ මෙතනට ඇවිල්ල ඉන්නේ ජනතාව වෙනුවෙන් ජනතා ප්‍රශ්න වලට උත්තර දෙන්න 

අසන්නා:
මහත්තයෝ අපි දැක්කා ඔබ තුමා ප්‍රකාශ  කරලා තියෙනවා ඔබතුමා වත්කම් ප්‍රකාශයක් ඉදිරිපත් කළා කියලා 

අපේක්ෂක:
ආන්න දැක්කද මම මගේ වත්කම් ප්‍රකාශයකුත් ඉදිරිපත් කරලා මේ කතිරවරණයට ඉදිරිපත් උනේ. මගේ අත්වල කුණු නෑ, පගාව වංචාව දුෂණය තියෙන තැනක මට ඉන්න බෑ කියල හදවතටම දැනුන නිසා මම එලියට බැහැලා ආවේ 

අසන්නා:
මට අපේක්ෂක මහත්තයාගෙන් දැනගන්න පුලුවන්ද එතකොට ඒ වත්කම් ප්‍රකාශය ඇතුලේ අර ගං පහ ඇඹර... 

කික්... කික්... කික්...

නිවේදක:
හෙලෝ හෙලෝ සුනිල් මහත්මයා 
ඔව් බොහොම කනගාටුයි  දුරකථනය විසන්ධි උනා 

අපේක්ෂක:
ඒ මහත්තයා ගම්පහ ප්‍රදේශයේ තියෙන මගේ සතුව තියෙන දෙයක් ගැන නේද අහන්න ගියේ, ඇත්තටම මම ගොඩාක් කනගාටු වෙනවා ඒ මහත්තයා ගැන. මොකද මුළු රටේම ජනතාව දන්නවා මම සියනෑ කෝරලයේ දේශපාලන නායකයෙක් නෙවෙයි කියලා. ඉතින් මට කොහෙන්ද ගම්පහ පැත්තේ වත්කම්. මේවා මගේ දේශපාලන චරිතය ඝාතනය කරන්න මට මඩ ගහන්න මේ වංචාකාරී දුෂිත ආණ්ඩුව කරන වැඩ. ඒත් මේ රටේ බුද්දිමත් ජනතාව මේ වගේ බොරු මඩ ප්‍රහාර වලට සැලෙන්නේ නෑ කියල මට විශ්වාසයි 

නිවේදක:
ඔව් අපේක්ෂකතුමා ජනතාව කතිරවරණයේදී හොද තීරණයක් ලබාදෙයි කියන එක තමයි අපෙත් බලාපොරොත්තුව, දැන් මගේ ඊලග ප්‍රශ්නය තමයි  අපි හැමෝම දන්නවා දැනට රටේ සීග්‍ර සංවර්ධන ක්‍රියාවලියක් කරගෙන යනවා කියන එක. උදාහරණ විදියට ගත්තොත් උතුරු අධිවේගී මාර්ග කොළඹ වරාය හම්බන්තොට වරාය ආදී ව්‍යාපෘති වගේ දේවල්, 
ඉතින් රටේ ජනතාව දැනගන්න කැමති ඇති ඔබතුමා බලයට පත් උනාට පස්සෙත් මේ සංවර්ධන කටයුතු ඒ විදියටම කරගෙන යනවද කියන එක.

අපේක්ෂක:
මම මුලින් ඔබතුමාගෙන් අහන්න කැමතියි ඔබ තුමා මේ සංවර්ධනය කියන එකෙන් අදහස් කලේ දුෂණය වංචාව කියන එකද කියලා.  ඔබතුමා දන්නවද ඔය හයිවේ එකේ එක අඩියකට ගිය මුදලින් රත්තරන් වලින් කාපට් කරන්න තිබ්බ කියන එක. කාගේද මේ සල්ලි රටේ මහ ජනතාවගේ 

නිවේදක:
ඔව් අපේක්ෂකතුමා ඒත් රජයෙන් ප්‍රකාශ කරන විදියට ඔය අධිවේගී මාර්ගය සඳහා වියදම් කළා කියන මුදල් වලින් වැඩි කොටස ඉඩම් අත්පත් කරගැනීම සඳහා ජනතාවට ගෙවපු මුදල්. කොළඹ කටුනායක අධිවේගී මාර්ගය පිහිටලා තියෙන ප්‍රදේශයේ ඉඩම් වල වාණිජ වටිනාකමත් එක්ක සලකනකොට ඒ වියදම් කළා කියන අධික වියදමින් වැඩි කොටසක් ලැබිලා තියෙන්නේ ඒ ප්‍රදේශයේ ඉඩම් හිමි වෙලා තිබුන රටේ මහ ජනතාවටම නේද?  

අපේක්ෂක:
බම්බුව තමයි. එහෙම රටේ ජනතාවට දීපු සල්ලියක් ඔතන නැහැ. ඔය වියදම් කරපු සල්ලි වලින් හයිවේ දහයක්...... 

(දඩ බඩ ඩෝන් ඈතින් වෙඩි තබන බෝම්බ ගසන හඩක් ඇසේ. ආරක්ෂක භටයන් පිරිසක් පැමිණ අපේක්ෂකතුමා වට කරගනියි ) 

අපේක්ෂක:
මොකක්ද ඒ සද්දේ 

ආරක්ෂක භටයන්:
සර් එළියේ කට්ටියක් ෆයර් කරනවා.

අපේක්ෂක:
බලන්න මේ දුෂිත ආණ්ඩුවේ මැරකම. මගේ මේ වැඩසටහන කඩාකප්පල් කරන්න ආණ්ඩුව තමන්ගේ බලය යොදාගෙන. මේ වගේ මැරවරයන් ඉන්න මේ අධම ආණ්ඩුව ඉක්මනටම එලවන්න ජනතාව කටයුතු කරන්න ඕනේ. 

(ආරක්ෂක රැකවල් මැදින් අපේක්ෂකතුමා පිටව යන අතර පහර දීමට සහභාගී වූ අයගෙන් කෙනෙකු දෑත් වලට මාංචු යොදා පොලිස් භට කණ්ඩායමක් විසින් රැගෙන පැමිණේ) 

සැකකරු:
අනේ සර් මං අහිංසක දරු පවුල් කාරයා මාව අත අරින්න සර් 

පොලිස් නිලධාරියෙක්:
අත අරින්න වරෙන් %$%$ 

සැකකරු:
අනේ සර් අපේ මැඩම් ගේ කීම අහක දාන්න බැරි කමට මේ කට්ටියත් එක්ක ආව මිසක් මම මොකුත්ම කලේ නෑ සර්. 

පොලිස් නිලධාරියෙක්:
මැඩම් කිව්වේ මොන මැඩම් ද? ඇත්ත කියනවා නැත්තම් දන්නවනේ 

සැකකරු:
අනේ බුදු සර් ඇත්තම කියන්නම් මට යන්න දෙන්න 

පොලිස් නිලධාරියෙක්:
හ්ම්ම් කියනවා ඉක්මනට 

සැකකරු:
මහ ලොකුවට කෑගැහුවට අපේ සර්ට චන්ද හම්බ වෙන එකක් නෑ කියල අපේ මැඩම්ට හෙන සැකයි සර්.

පොලිස් නිලධාරියෙක්:
සර් කිව්වේ දැන් මෙතන ඉදලා ගිය අපේක්ෂකතුමාද? 

සැකකරු:
ඔව් සර් 
ඉතින් මැඩම් කිව්ව අපේ සර්ගේ මොකක් හරි මිඩියා කන්ෆරන්ස් එකක් ලගදි සර්ට මරණ තර්ජන තියෙනවා වගේ රටට ලෝකෙට පේන්න මොකක් හරි කරන්න කියල, එතකොට ඒක ආණ්ඩුවෙන් කළා වගේ පෙනෙයි කියලත් කිව්ව. 

පොලිස් නිලධාරියෙක්:
උඹේ අ$# ට
දැන් තමුසෙලා ඇවිත් මෙතන ගිනිකෙළි පත්තු කලේ ආණ්ඩුවෙන් සර්ට මරණ තර්ජන තියෙනවා කියල රටට ලෝකෙට පෙන්නන්න නාට්ටියක්රඟපාන්නද? වෙඩි වැදිලා අපේ දෙන්නෙක් හොස්පිටල්. තමුසෙලාගේ නාට්ටි වලින් ඒ මිනිස්සුන්ට මොකක් හරි උනොත් කවුද වගකියන්නේ ඉතුරු කට්ටිය ගැනත් අපි බලාගන්නම්. 
එනවා යන්න පොලිසියට 

 (පොලිස් නිලධාරින් සැකකරු වාහනයට නංවාගෙන රැගෙන යයි. නිවේදක සහ මාධ්‍ය ආයතනයේ සෙසු පිරිස සිදු වූ දේවල් ගැන සිතාගත නොහැකිව බලා සිටියි )

ඔබ සැමට සුභ අනාගතයක්....

(දේශපාලනයේදී සිදු විය හැකි දේවල් වලින් කල ප්‍රභසනයක් පමණි. කමෙන්ටු තුලින් ආතල් ගත්තාට කම් නැත. කමෙන්ට් මොඩරේට් ඇනෝ වාරණ නැත. අහක යන තෝප්පි දමාගෙන බොරුවට කෑගැසීමෙන් වලකින්න. කේන්ති ගතහොත් ලේ පිච්චෙන්නේ මගේ නොව ඔබගේමය :D )  

ගලක් නොවන සිතක්

අඩන හිනැහෙන උඹේ අභියස 

කිසිත් නොදැනෙන සෙල් රුවක් ලෙස

ඉන්න සැරසුන පෙම්වතා මම

නොදැනුනා නොව උඹේ හැගුමන් 

නොසිතුවා නොව උඹ ගැනම මං 

රෑ දිවා මුළු හද පුරා

යන්න බැහැ මට උඹත් අරගෙන

අදුර පිරි දුර අනාගතයට 

උඹේ දිවිමග සරසවන්නට 

ඒවී කුමරෙකු එලිය අරගෙන

සුරත බැඳ උඹේ පෝරුවක හිඳ

මනාලිය වී ඔහුගේ තුරුලට

ගියත් දවසක මගෙන් ඈතට 

දුරින් ඉද මං සිනාසෙන්නම්

උඹේ සතුටත් එක්කලා.........

යාල් පානම් යමුද

කියන්නට දහක් දේ හිත ඇතත් පුරවලා

කියන්නට බැරුව අද මගේ හිත ගොළු වෙලා

ලගින් හිටියත් උඹට මුළු හදින් ලං වෙලා 

අපේ හිත් දෙක තවම ගොඩක් දුර තනි වෙලා

මහ හුගක් හීන වැල් නුඹේ නමට ගොත ගොතා

හිටියාට බලාගෙන අද අපේ නැහැ කතා

යාල්පානම් යන්න තන්ගච්චි එක්කලා 

යාල් දේවියේ නැගී ඉන්නවා මග බලා

යාල් පානම් වැල්ලේ අත් පටල දිව යන්න

බලාගෙන ඉන්නේ මම ඒ දවස එනකම්ම 

සැදෑවක තුරුළු වී උනුහුමට ඉන්නකොට 

දැනෙයි මගේ ආදරය නංගියාට හරි තදට 

රා කට්ට අතට ගෙන පොවා පලවෙනි උගුර 

යාපනේ වඩේ ගෙන බැදපු මිරිසුත් සමග 

කඩාගෙන එක වඩය බෙදාගෙන කන කලට 

දැනෙයි රාවල මිහිර මි විතක් පරයාන

කාටවත් දුන්නේ නැති ආදරේ පුරෝගෙන 

යාපනේ තල් අරඹ මැද සොදුරු සැදෑවක 

රා කට්ට ආදරෙන් බෙදාගෙන බොන කලට 

අපි අපේ ලෝකයක තනිවේවි සුන්දරව

අප්පච්චි,

ඔයා
අපේ අතරින් සදහටම සමු අරං දැන් අවුරුදු 16 කුත් ඉවරයි කියන්න ගොඩක් දේ තිබුනත් කියාගන්න බෑ මේ දිග සංසාරේ ආයෙමත් දවසක කවමදාක හරි අපි මුණ ගැසේවි.
සසර වසන තුරු ඔයාට මේ වගේ අකල් මරණයකට මුහුණ නොදී සසර කෙලවර අමාමහ නිවන් සුව පතන ගමන් රසික අයියා ඔයා ගැන බුකියේ වෝල් එකේ දාල තිබ්බ අතීත ආවර්ජන සටහනත් එකතු කරන්නම් මෙතනටම .......

අමරදාස හෙට්ටිආරච්චි නොහොත් අප්පච්චි. ඒ අපේ මාමා. මාමා උනාට අපි හැමෝම ආදරේට කතා කරේ අප්පච්චි කියලා. ඒ, මාමා අපිට එච්චරම සමීප නිසා, හිතවත් නිසා, ආදරේ නිසා. මාමා කවදත් අපිත් එක්ක මයි හිටියේ. දඟවැඩ කරලා වඩිහිටියන්ව ශේප් කර ගන්න ඕන උනාම අපි යන්නේ මාමා ගාවට. මාමා අපිත් එක්ක හිටිය අන්තිම සති කීපය මට අද වගේ මතකයි. 

1998 සැප්තැම්බර් මාසය. සැප්තැම්බර් මාසේ මුල මාමා ජීප් එකක් ගත්තා. ඒක තිබුනේ උඩුමලගල තිස්ස අයියලාගේ ගෙදර. ඒ දවස් වල මාමා ලර්නර්ස් යනවා. ඩ්‍රයිවින් පුරුදු වෙන්න. මම ඕ ලෙවල් කරලා ගෙදර හිටියේ. ඒක හින්දා මම නිතරම මාමාලගේ ගෙදර යනවා. දවසක් මාමා මාත් එක්ක උඩුමලගල තිස්ස අයියලාගේ ගෙදර ගියා. ඒ ගියේ ජීප් එක පුරුදු වෙන්න. මම මාමත් එක්ක මාමගේ මෝටර් සයිකල් එකේ සැහෙන වතාවක් උඩුමලගල ගිහින් තියෙනවා. ඒ මාමත් එක්ක එහෙ යන අන්තිම වතාව කියලා අපි කවුරුවත් දැන ගෙන හිටියේනැ.
අපි එදා උඩුමලගල ඉදන් වඳුරඹ වෙනකන් ජීප් එකේ ගියා. මටත් පුරුදු වෙන්න කියලා මාමා පෙරැත්ත කරත් මට උවමනාවක් තිබුනේ නැ. මාමා ජීප් එක පැලවත්තේ ගෙනාවම මට පුරුදු වෙන්න පුලුවන්නේ කියලා මම කිවුවා. අපි එදා ගිහින් එන ගමන් ගොඩක් දේවල් ප්ලෑන් කරා. මාමා සැප්තැම්බර් අග සතියේ වගේ ට්‍රයල් යන්න හිටියේ. ට්‍රයල් යන සතියට පස්සේ සතියේ පවුලේ කොල්ලො ටිකත් එක්ක කතරගම යන්න තමයි මාමා හිතාගෙන හිටියේ. 

ඊලග සතියේ අපි හිතපු විදියට දේවල් උනේ නෑ. මාමා අසනීප උනා. වෑත්තෑවේ අපි හිටපු ගෙදරට මාමාව එක්කන් අවා ත්‍රීවීල් එකකින්. මාමගේ යුරින් රිපෝට් එක ගේන්න මතුගම මේඩ් ලැබ් එකට ගියේ මම. ඒක දෙනගමන් ලැබ් එකෙන් මට කිවුවා රිපෝට් එක හොඳ නෑ ලෙඩා ඉක්මනට හොස්පිටල් ඇඩ්මිට් කරන්න කියලා.

මායි අම්මයි තාත්තයි මාමාව එදා නාගොඩ මහ රෝහලට ඇතුලත් කරන්න ගියා. මල්ලිල දෙන්නා පොඩි හින්දා ඒ දෙන්නා එක්ක නැන්දව අපේ ගෙදර දාල ගියා. ඊට පහු වෙනිදා මට ඉස්කෝල පටන් ගන්න නිසා කොළඹ යන්න උනා. මට නම් ඉස්කෝලෙ යන උවමනාවක් තිබුනේ නෑ. මාමා කිවුවා යන්න යන්න මුලින්ම ඒ ලෙවල් ක්ලාස් පටන් ගන්න සතියනේ කියලා. මම කොළඹ ගියා. සති අන්තයේ එනකොට මාමව ඩිස්චාර්ජ් කරලා.

ඒත් ඊලග සතියෙත් මාමාව ආයෙත් අසනීප වෙලා. මීගහතැන්න ඉස්පිරිතාලෙන් බෙහෙත් අරන් තිබුනා. කොළඹ එක්ක එන්න කියලා අපි කොච්චර කිවුවත් මාමා කැමති උනේ නෑ. සති අන්තයේදි අයෙත් මිගහතැන්න හොස්පිටල් එකේ ඇඩ්මිඩ් කරලා තිබුනා. සෙනසුරාදා හවසත් මම කතා කරා මතකයි. එතකොටත් කිවෙවේ හෙට උදේ ඩිස්චාර්ජ් කරනවා කියලා. අපි කිවුවා ඒකට කමක් නෑ කොළඹ ඇවිත් ඩොක්ටර් කෙනෙක්ට පෙන්නමු කියලා. මාමා ඒකට අන්තිමට කැමති උනා. ඒත් ඒ මුකුත් කරන්න වෙලාවක් උනේ නෑ.

1998 සැප්තැම්බර් 27 මහ මූසල ඉරිදා දවසක් උනා අපි හැමෝටම. මම උදේ පන්ති ඉවර වෙලා එන ගමන් නුගේගොඩින් පැලවත්තේ ගෙදරට කෝල එකක් ගත්තා මාමව ගෙදර එක්කන් ආවද කියලා දැන ගන්න. ඒ දවස් වල දැන් වගේ මොබයිල් ෆෝන්ස් නෑ. මම කෝල් ගන්නේ නුගේගොඩ ස්ටේෂන් එක ගාව තියෙන කාසි දාන ෆෝන් එකෙන්. කරුමෙට එදා එතන සෙනග, ඒත් මම මගේ වරය වෙනකන් නොයිවසිල්ලෙන් බලාගෙන හිටියා.

කෝල් එකට ආන්ස්වර් කලේ ආච්චි අම්මා, මාමට කොහොමද එක්කන් අවද ඇහුවම ආච්චි අම්මා මුකුත් කියන්නේ නැතුව දිගටම අඬනවා. මොකද මොකද කියලා මම දිගටම අහනකොට මාමා නැති උනා පුතේ කියලා කිවුවා. මගේ අතින් රිසීවර් එක වැටුනා මතකයි. ඊට පස්සේ අයෙත් මට මතක තියෙන්නේ මම කිරුලපනේ පුංචි අම්මලාගේ ගෙදරට යනකොට පුංචි අම්මත් අඬ අඬ ඉන්නවා. එදා අපේ පවුල් වල කොල්ලෝ හැමෝම කොළඹ. මම මගේ ස්කුල් බෑග් එකට රෙදි ටිකක් පුරවගෙන පුංචි අම්මත් එක්ක ලුම්බිනියට ගියා. උදිත අයියයි චානක අයියයි එදා කම්පියුටර් ක්ලාස් ඇවිත්.

මම පන්තියට ගියා එයලා දෙන්නව එක්කන් එන්න. හදිසියක් ඉක්මනට එන්න කිවුවම උදිත අයියා කලබල වෙලා ඇයි මල්ලි ඇයි කියලා ඇහුවා. මම ඇයි කියලා කියා ගන්න බැරුව සෑහෙන වෙලාවක් හිටියා. ඒත් මාමා නැති උනා කියලා මට කියන්නම උනා. උදිත අයියට ඒක දරාගන්න ගොඩක් අමාරු උනා. ඩෙස්ක් එකක් බදාගෙන අඬන්න ගත්තා, අපි දෙන්නා එවේලෙම පැලවත්තේ යන්න පිටත් උනා. බස් එකේදි දෙන්නත් එක්ක කතා කරේම නැති තරම්. අඬ අඬා දෙපැත්තකට වෙලා හිටියා. ඒත් මතුගම කිට්ටු වෙලා අපි පැලවත්තේ ගියාම කොහොමහරි දරා ගෙන ඉමු, කියලා කතා උනා. අපිත් එතන ගිහින් අඬන්න ගත්තොත් ගෙදර අයගේ දුක තවත් වැඩිවෙන නිසා.

මුල් දවස් ටිකේ දුක දරාගෙන හිටියට මට අන්තිම දවසේ ඒක කරන්න බැරි උනා.

මාම මරණය ගැන මාත් එක්ක ගොඩාක් කතා කරලා තිබුනා. එයාට උවමනා වුනේ එයගේ ඇස් දෙක දන්දීලා, එයාගෙ බොඩි එක මෙඩිකල් කොලේජ් එකට දෙන්න. ඒත් එක කරන්න අපිට බැරි උනා. අපි කවදාවත් හිතුවේ නෑ එයා අපිව එච්චර ඉක්මනට දාලා යයි කියලා. මල ගෙයක් කියලා අඳුන ගන්න එක පාලම් කොඩියක් විතරක් පාර හරහා දැම්මා. වෙන මොනවත් සැරසිලි නෑ. ඒ මාමාගේ කැමැත්ත.

මාමා හරිම හොද කෙනෙක්. එයා ලෙඩ වෙන්න හේතුවත් ඒකයි. එයා මැනුම් වැඩ වලට ගියාම කිසි කෙනෙක් ගෙන් වතුර පොදක් වත් ගන්නේ නෑ. උසාවියෙන් ගෙවන ගාස්තුව විතරමයි එයා ගත්තේ. මැනුම් වලට ගියාම එක කට්ටියකගෙන් වතුර ටිකක් හරි බිවුවම අනිත් අයට අප්සට් යයි කියලා තමයි එය එහෙම කරේ.

මාමා අපේ හැමෝගෙම ජීවිත වල අයේ කවදාවත් පුරවන්න බැරි හිස් තැනක් ඇති කරලා නොහිතුව වෙලාවක අපි හැමෝවම දාල ගියා. මාමාව අපි කාටවත් කිසි දවසක අමතක වෙන්නේ නෑ. මාමාව නැති අඩුව මාමගේ පවුලට විතරක් නෙමෙයි, අපිටත්, ගමටත්, රටටත් හොදටම දැනෙනවා.

පුනර්භවය විශ්වාස කරන අපිට මාමා හොඳ තැනක ඉන්නවා කියල හොදටම විශ්වාසයි. නිවන් දකිනා තුරාවට අපි අතරම ඉපදේවා. ඉක්මනින්ම නිවන් සුව අත්කර ගනීවා කියලා අපි නිරතුරුව ප්‍රාර්ථනා කරනවා

Rasike Abeyratne 

ලයිෂන් ආදරේ

ආදරේ අවසානය 

කියන්නේ 

රුපියල් 5000 ක්

 ගෙවලා ගන්න

එකට බුදියාගන්න දෙන 

ලයිෂන් එකට නම් 

කැමතියි මං හැමදාමත් 

ලයිෂන් නැතුවම පදින්න 

වාහන ...

____

මියැදෙන හිත

දෙනෝ දහසක් වසන

සෙයිලමේ හැම නිතර 

අතරමං වෙලා මම 

කිසිත් නොපෙනෙන තැනක 

දෙනෝ දහසක් දෙනා 

ඉන්නවලු වටේටම 

නොයෙක් දේ කියනවලු 

කරනවලු මං ගැනම 

කිසිවක්ම දැනෙන් නැති

හැගෙන් නැති හදවතට 

කුමන ඵල ලෝකයා 

මොන දෙයක් කෙරුවාට 

මියැදෙන්න වැටුනාට 

අමතකව නැත තවම 

අතීතයේ මියැදිච්ච 

නුඹට බැදී ආදරය 

කුසට අහරක් කුමට 

ගතට දිරියක් කුමට 

හිස් වෙච්ච හදවතට 

පවන් සිසිලක් කුමට 

අදුරු පාතාලයක 

තනිකමම රජ කරන 

හිර වෙලා මගේ හිත 

යලි නොනැගිටින්නටම

නැත කිසිදු අදිටනක් 

එන්න යලි ලෝකයට 

මියැදිච්ච හිත එක්ක 

වැලලේවී පස් යටට

________

පුංචි දෙමළිච්චියට

නින්ද නැති තුන් යමේ 

හීන ගොඩ ගසාගෙන 

මගේ හිත උඹේ ඇස් 

හොයනවා හැමතැනම 

ගිරවියක් වාගේම 

කියවනා හුරතල්ව 

උඹේ කටහඩ මෙමට 

ඇසෙනවා හැම නිතර 

ලගට ලං වී හෙමින් 

තුරුලතට ගෙන උඹව 

දෑස් තුල ගිලි නුඹේ 

ජීවිතය හොයන්නට 

වැසුණු නුඹේ ඔය මුහුණ 

කෙස් රොදක් අයින් කර 

හෙමි හෙමින් හාදුවක් 

දෙන්න උඹේ නළලතට 

ආදරේ පුරෝගෙන

ජීවිතය පුරාවට 

මගේ පුංචි දෙමලිච්චි 

ඉන්නවද මගේ ලගම

_____

ඉවසීම

උන් එක්ක තියෙන තරහට 

ගනිං පලි ඇති වෙනකං

මගෙන් හරි කමක් නෑ 

හිත හැදෙනකම්

ගහක් ගලක් වෙලා හරි 

දරාගන්නම් 

හිතක් පපුවක් නැතුව හරි

දුවපං හති වැටෙනකං

ඕන තැනක 

ඒත් ඉන්නම් බලං

වැරදි මග දිව්වොතින් 

පරිස්සම් කරගන්න 

කොහේ කොතන හරි 

නැවතුන වෙලාවක 

වතුර බෝතලයක්වත් අරං 

නිවන්නටවත් උඹේ පවස.

ඒත් 

ගන්න එපා පලි උඹ 

උඹෙන්ම 

සදහටම නොමැරී මැරෙයි මාව

_____

වෙනස් වීම

ගෑනු හිත හරියට 

නුවරඑළියේ කාලගුනේ වගේ

කතාවට කිව්වට 

උඹේ හිත ඊට වඩා 

පට්ට ස්පීඩ් 

වෙනස් වෙන ලෝකයක

එකම තැන පල් නොවී 

වෙනස් වෙන ඒ හිතට 

මං පට්ට ලයික්

........

ප්‍රතිරූප

සඳට පෙම් කල සඳ 

සිත රිදුණි ඔබ සඳ නොවූ සඳ

සැබෑවට

මලට පෙම් කල සඳ 

දැනුනි කටු අග නටුවේ විස

තරුවකට පෙම් කල සඳ 

දැනුනි හිරුගේ රශ්මිය 

සිතක ඇඳී ප්‍රතිරූපය

නොවේ කිසිදින සැබෑව 

සඳක් මලක් තරුවක් නොව 

නුඹ නුඹම වූ කල 

යලිත් එන්නම් මතු දින ......

පලා යාම

වද දෙන විට 

හෘද සාක්ෂිය තමාටම

 

සොයාවි මං පෙතක් 

පලා යන්නට

හදවතින් තමාගේම 

දිව ගොස් ඔලුව හැරුණු හැරුණු අත 

සොයයි සැනසීම දිවියට 

එනමුත් 

දිව ගොස් හති වැටි

නැවතී බලන කල 

වෙහෙසව 

සැගවෙන්න නොහැකි වුන 

හෘද සාක්ෂිය තවමත් 

තමා ළඟ...

____

රැඩිකල් පෙම්වතෙක්

මචං 

ඒක පට්ට කෑල්ල 

දුන්න බං ෆුල් සැපක් 

එලි වෙනකම්ම ඊයේ

අහවල් ටෙලියේ හිටපු

අහවල් නිළියටත් 

කලේ මම ගිය සුමානේ 

ඔතපන් ඔය මල් පැට්ටා

ගහගෙන ජෙට් එකට තෙල් 

යනවා මං

දැන් හඳේ 

ගහන තරමට පම්පෝරි 

වෙන්න පුළුවන් ඉක්මනින් 

උඹටත් 

රැඩිකල් පෙම්වතෙක්

____

බුකිය මොටද.......ලංවී මුණ ගැසෙනු බැරී.............

බුකිය වටේ සෑම කොනේ නුබම පෙනේ

ලයික් එකක් වත් දානවා කොහොම හරි

චැටුත් නැතුව හිටියත් බුකියේම අපි

දාහක් දේ තිබේ කීමට බැරුව වැසි.......

බුකියේ උන්ට දාහක් ඇස් ඇති හින්දා

ලයික් කමෙන්ට් චැට් මොකවත් නැති හින්දා

බ්ලොග් ගෙට් වලට යන්නත් දැන් බැරි හින්දා 

බුකියම හොඳයි බ්ලොග් ජි ප්ලස් නැති හින්දා  

ලයික් මොටද පෝස්ට් එකක් දමනු බැරී....

කමෙන්ට්ස් මොටද රිප්ලයි එක දෙන්න බැරී.......

දෑස මොටද සිතුසේ දැක ගන්න බැරී......

බුකිය මොටද.......ලංවී මුණ ගැසෙනු බැරී.............

රැඩිකල් ආදරේ

දුටිමි 

රට වට 

බුදියමින්

ගැහැනු සමගින් 

ඇති වෙන තුරු 

ප්‍රේමයට පිවිතුරු 

කන්‍යාවියන් 

සොයනා 

රැඩිකල්

     

   උපාසකවරු......

____

ගබ්සා නොවූ ප්‍රේමය

දුවපං 

උඹල ඔක්කොම 

හොඳට 

හති වැටෙනකං

මං බලං 

ඉන්නං

උඹ 

කවද හරි 

දුවල 

එනකං......

සමනල් හීනය

සිතින් කවිකාරකම් කර 

හිතුවක්කාර සමනලයට

දහසක් මල් පිපිලා පාර 

දෙපසම

 

මලින් මලේ රොන් උරණ 

නිතරම ගුවන් ගත වෙන 

උමතු සමනල් ඇස් යට

හින හෙව්වට 

ආදරේ .....

ඉගිලිලා ගොහිල්ලා 

සමනලයා තටු සලා 

දැන්වත් ඇහැරියන් 

රෝස හීනෙන් උඹේ 

එතකොටවත් පෙනෙයි 

මායාව ආදරේ

_____

පෙම් බැදිමි වෙසඟනකට

ලෝකයා අසයි 

හිටියෙම නැද්ද උඹට 

වෙන කෙල්ලෙක් 

ආදරේ කරන්න .....

යහළු සෙට් එක කියයි 

ආතල් එක අරං ගෙදර එනවා මිස 

ගොන් බඩුවකට කරගහන්න 

තොට පිස්සුද?.....

නෑසියන් බනියි 

නොදකින් තෝ 

අපේ පරම්පරාවේම 

මූනේ දැලි ගාපු එකා.....

මගේ සිත සොයයි 

ලේ මසින් හැදුනු ඇගේ 

මිය ඇදුනු හදවතේ 

ශේෂ වී ඇති ආදරෙන් බිංදුවක් .....

_________

මාරයා එනතුරු

තුවාලයි හදවතම 

ඔබේ නිය පහුරු වැද

තත්පරෙන් තත්පරේ 

මැරෙනවා මම තවම

ඇනපන් පිහිය ගෙන 

හදවතේ පතුලටම 

හැමදාම ටිකින් ටික 

විදවන්න බැහැ මෙහෙම

සුසානය මග බලයි 

පිළිගන්න අද හෙටම 

මිනීමල් කලඹ ගෙන 

එන්න ඔබ මා වෙතට

______

මොර සූරන වැස්සට

හංගන් ඉන්න දරදඬු 

පිරිමි හිත යට

ඉඩෝරයට හසුව වියලුනු 

හදවත 

තෙමාපන් මොර සූරන 

වැසිදියෙන් 

ප්‍රේමයේ සැඩ රළින්

කැඩී සුනු විසුනු වී 

යන්නට 

ගල් සිත් වාන් දොරටු

 සියල්ලම

___ 

ආදරේ

රුවැති ජනපද කලණියට

පෙම් බැඳී නන්ද කුමරුට 

පෙනුනා නම් ඇය පසුව 

නවදැලි හේනක 

දැවුණු වැදිරිය ලෙසට 

රුවට පෙම් කල සඳ

දෙසිත වේ නම් දෙපසක

වැහැරුණු පසුව රුව 

කෙලෙස වෙලෙමිද සෙනෙහසින් මම 

ගතින් උන්නත් දෙපසක

දෙසිත වෙයි නම් එක තැන

රුවෙන් තව මොන අරුමද?

පාරෝට පෙම් කොට 

බේබද්දෙක්ව මියගිය

දේව්දාස් ඇත්තට 

         උඹ නම් මහ පිස්සෙක් .........

බුකි බිත්ති ආදරේ

ගෙතෙන කවි පද වැල් සමග

පින්තුර ආදරේ බේරෙන 

ටැග් වෙයි බිත්තියට 

ආදරේ හොයාගෙන 

නුඹේ අතිනුත් ගෙතෙන

ලියවිලි ප්‍රේමයෙන් නැහැවෙන 

ෂෙයාර් වෙයි බිත්තියේ

බඹර කැල වෙහෙසන්න 

බුකියෙන් එහා ගිය

නුඹේ හිත දන්න මම 

නරඹා බඹර සැණකෙළි 

සිනාසෙනවා මිසක් 

      වෙන කුමක් කරන්නද?.........

චාටර් 16+

සිරස රුපවාහිනිය මගින් විකාශය වන 16+ වැඩසටහන සඳහා විරෝධය පල කිරීමේ සයිබර් මෙහෙයුම පිළිබඳව සයිබර් අවකාශය තුල කතිකාවතක් ඇති වෙමින් පවතී. ජනතාවගේ නාලිකාව යනුවෙන් පම්පෝරි නාලිකාවක විකාශනය වන වැඩසටහනක් පිළිබඳව මේ තරං විරෝධයක් ගොඩ නැගුනේ ඇයි.


සිරස යනු රටේ මාධ්‍ය කලාවේ බොහෝ වැඩසටහන් සඳහා මග පෙන්වූ නාලිකාවකි. එමෙන්ම ලංකාව තුල ආන්දෝලනාත්මක මාධ්‍ය භාවිතාවක් ඇති කිරීම සඳහා කලින් කලට විවිධාකාර වැඩසටහන් තුලින් මොවුන් විවිධාකාර අත්හදා බැලීම් සිදු කරයි. සිරසයි පාර කියන්නේ යනුවෙන් ඔවුන්ම පැවසු පරිදි එෆ් එම් රැල්ලේ ආරම්භයේ සිට සුපර් ස්ටාර් වැනි රියල්ටි වැඩසටහන් ආදී තවත් බොහෝ දෑ සඳහා ශ්‍රී ලංකාව තුල අනෙකුත් නාලිකා සඳහා පුර්වාදර්ශය සැපයුවේ සිරස නාලිකාව මගිනි. විරෝධතාවයේ මුලික අරමුණ වුයේ 16 + වැඩසටහන තවත් එවන් වැඩසටහන් නිර්මාණය කිරීම පිළිබඳව අනෙකුත් නාලිකාවන්ට පුර්වාදර්ශයක් වීම වැලැක්වීම සහ එම ගුවන් කාලයට කාටුන් ලබා දෙන මෙන් ඉල්ලීම් කිරීමයි.

16+ සඳහා විරෝදය පල කරන්නවුන් කාටුන් ඉල්ලා සිටින්නේ කාටුන් බැලීමේ ආශාවෙන් නොවන බව එදෙස බලන ඕනෑ පොඩි එකෙකුට වැටහෙනු ඇත. ඔවුන් එයින් අදහස් කරන්නේ 16+ නතර කර ඒ වෙනුවට වෙන ඕන එකක් දාපල්ලා යන්නයි

16+ වැඩසටහන සඳහා විරෝධය පල කිරීමට මෙවර එක් වුයේ ශ්‍රී ලාංකික සයිබරය නියෝජනය කරන තරුණ පිරිසයි. විශේෂයෙන්ම අන්වර්ථ නාමයන්ගෙන් ෆේස් බුක් අඩවියේ සැරිසරන පිරිස ඇතුළුව ලෝකය පුරා විසිරි පැතිරී සිටින තුන් දහසකට අධික පිරිසක් මෙයට එක් වී තිබීම විරෝධතා ව්‍යාපාරයේ විශේෂත්වයයි

විරෝධතා කරුවන් තම විරෝධය ආරම්භ කලේ වැඩසටහන විකාශය වන අතරවාරයේ 16+ වැඩසටහනේ නිල ෆේස්බුක් පේජය වෙත තම විරෝධය ප්‍රකාශ කරමින් එම පේජයේ වෝල් පෝස්ට් දැමීමයි. වැඩසටහනට විරෝධය පල කරන වෝල් පෝස්ට් අධික ප්‍රමාණයක් සටහන් වීම නිසා පසු දින සිටම එම් පේජයේ වෝලය ලොක් කර දැමීමට ඔවුන් ක්‍රියාකර තිබිණි. මේ හේතුවෙන්ම දුරකථන මගින් සහ සිරස ආයතනයේ අනෙකුත් ෆේස්බුක් පිටුද ආක්‍රමණය කිරීමට විරෝධතා කරුවන් කටයුතු කළහ.


සයිබරයේ එකමුතුවෙන් අති සාර්ථක ලෙස පලමු දිනයේ විරෝධතාවය පෙන්නුම් කල ඉවෙන්ටුවට පසුව එකතු වූ පිරිසක් තමන්ගේ පටු අරමුණු ඉටු කර ගැනීම පිණිස විවිධ නොමනා ක්‍රියා සිදු කිරීමට උත්සාහ  ගැනීමට පසුව උත්සාහ කලද මේම ඉවෙන්ටුව ආරම්භ කලේ අනෙකුත් නාලිකාවල වැඩසටහන් වලට මග පෙන්වූ සිරස නාලිකාවේ අදාළ වැඩසටහන පිළිබඳව ජනතා අප්‍රසාදයක් ඇති බව සිරස පාලන අධිකාරියට දැන්වීම පිණිස මිස එහි නිවේදක යුගලය වන යුකි සහ කවි යන චරිත පිළිබඳව හටගත් කුහක මානසිකත්වයකින් නොවේ.

දැනටද සිරස ආයතනයේ ගෝල බාලයන් විසින් ඉවෙන්ටුවට සම්බන්ධ අයට විවිධාකාර තර්ජන සිදු කරමින් පවතී, රටේ ප්‍රධාන පුරවැසියා වූ ජනාධිපතිතුමාට ද අපහාස වන අන්දමේ පෝස්ට් බැනර් සයිබරයේ එහා මෙහා යද්දී කිසිවක් නොකරන සි අයි ඩි ය මෙවන් බොහෝ පිරිසක් විරෝධය පල කරනු ලබන රුපවාහිනි වැඩසටහනක් සම්බන්ධයෙන් මේ කියන ආකාරයෙන් කටයුතු කරනු ඇතිද? තමන් නරඹන වැඩසටහන කුමක්දැයි තීරණය කරන්නේ ප්‍රේක්ෂකයා විසිනි. තමන් අකමැති වැඩසටහනක් පිලිබඳ ජනතාව විරෝධය පල කරද්දී ජනතාවගේ නාලිකාව යයි ආමන්ත්‍රණය ලබන රුපවාහිනි චැනලයක සහය අධ්‍යක්ෂ වරයෙකු C.I.D නම විකුණමින් මේ ආකාරයට කටයුතු කිරීම යුක්ති සහගතදැයි අප නොදනිමු.

නමුත් සිරස යනු තමන්ට පහර ගැසීමත් තමන්ගේ ජනප්‍රියත්වය වෙනුවෙන් යොදන මාධ්‍ය කලාවක් සහිත ආයතනයකි. මෙබදු විරෝධතා ව්‍යාපාර මඩ ප්‍රචාර මගින් අපහසුතාවයට පත් වන්නේ වැඩසටහන ඉදිරිපත් කරන තරුණ ළමුන් දෙදෙනා පමණි, සියලු කුණු කන්දල් ඔවුන් දෙදෙනා පිටින් යවා සිරස පාලනාධිකාරිය නිහඬව බලා සිටිනු ඇත. කාලයත් සමග මේ විරෝධතාවයද ඔවුන් අපුරුවට මාකට් කරනු ඇත.

පුංචි මල් කැකුළු වලට ආදරේ සුවඳ ගෙනියමු

මුහුණු පොත යනු ඉතා විශාල වපසරියක් තුල දිවෙන මිතුරු ජාලයකි. ඉංග්‍රීසි භාෂාව මෙහි ප්‍රධාන භාෂාව වුවද සිංහල යුනිකෝඩ් ක්‍රමය භාවිතයෙන් ඉතා විශාල තරුණ පිරිසක් මුහුණු පොත හා අත් වැල් බැඳගෙන සිටි.මේ ආකාරයෙන් වූ තරුණ ජවය මුහුණු පොතට පමණක් ම සීමා වී තිබෙන යුගයක අප මිතුරු මිතුරියන් මේ ප්‍රයත්නන දරන්නේ සැබෑවටම අහිංසක සිත් වලට ආලෝකයක් සපයන්නටය..එමෙන්ම විවිධ කරුණු කාරණා මත Facebook යන වචනයම කොන් වී තිබෙන මෙවන් යුගයක අප ප්‍රයත්න දරන්නේ සමාජයේ ඒ පිළිබඳව ඇති දුර්මතය යම් තාක් දුරකින් හෝ පහ කිරීමටය.

අපගේ මේම උත්සාහය' සාර්ථක කරගනු වස් අප මිතුරු කැල කුරුණෑගල මලියදේව පිරිමි ළමා නිවාසයේ අහිංසක දරුවන් දෙසට නෙත් යොමු කළෙමු.දිවයිනේ සතර දිගින් අප හා අත් වැල් බැඳගත් අපේ කණ්ඩායම පසු ගිය දිනක මෙයට මුල් ගල තැබුවේ ඒ ආකාරයෙනි. අපි මේ වන විට ජයග්‍රාහි මංසන්ධියක නැවතී සිටිමු.
ඒ 2014.04.05වන දින මලියදේව පිරිමි ළමා නිවාසයේ දරුවන් සමඟ පැවැත්වෙන බක්මහ උළෙල සහ එහි දරුවන්ට ඇඳුම් බෙදා දීමේ උත්සවයයි. 

1966 වර්ෂයේදී ආරම්භ කල මලියදේව පිරිමි ළමා නිවාසය මේ වන විට දරුවන් 40 ගේ පමණ අහිංසක හදවත් වලට සිසිලසක් ගෙන දෙන ස්ථානයකි.අප මිතුරු කණ්ඩායම සමඟ දොඩමළු වූ ඒ අහිංසක සිත් වල තිබු සිහිනය යතාර්ථයක් කරගනු වස් මෙසේ බක්මහ උළෙල සහ එහි දරුවන්ට ඇඳුම් බෙදා දීමේ උත්සවය තීරණය විය. 

මේ පොඩිත්තන්ගේ එදිනෙදා අවශ්‍යතා වල අඩූ පාඩු විශාල ප්‍රමාණයක් නොතිබුණද ඒ ළමා සිත් වල අලංකාර අවුරුදු උත්සවයක් පිලිබඳ සිහිනයක් තිබිණි.එබැවින් අප මිතුරු සාමාජිකයන්ගේ ශක්තියෙන් ගොඩ නැගුණු අරමුදලෙන් දැනටමත් මේ පොඩිත්තන් සඳහා අප ටී ෂර්ට් පිළියෙළ කර අවසානය.අනෙකුත් අවශතා සඳහා මුදල් ලැබෙමින් පවතී.එමෙන්ම තවත් අවශ්‍යතාවක්ව පවතින ළමා නිවාසයේ සමිති ශාලාව ප්‍රතිසංස්කරණය කිරීම සහ එහි තීන්ත ගෑමේ කටයුතුද කිරීමට අප තීරණය කර ඇත. එමෙන්ම එක තැනකට කොටු වී සිටින මේ පොඩිත්තන්ගේ අවුරුදු හීනය මේ මගින් සැබෑ වීමත්, ඔවුන්ගේ ඒකාකාරී ජීවන රටාව එක් දිනකට හෝ වෙනස් වීමත් තුලින් ඔවුන්ගේ අහිංසක සිත් සතන් සතුටින් තැබීම ඇත්තෙන්ම මාහැඟී පුණ්‍යකර්මයකි.

අවුරුද්දේ සුන්දරත්වය, සමාජීය සබැඳියාව තුලින් ඔවුන් ගෙවන මේ අවුරුදු උළෙල සැබවින්ම ඔවුනට ජීවිතයේ අමතක නොවන අත්දැකීමක් වනවාට සැක නැත.මල් වන් පුංචි දරුවන්ගේ සැඟවී ගිය කුසලතා මෙන්ම,වයස් මට්ටම් වලට ගැලපෙන සේ සකස් කල විවිධ ක්‍රීඩා තරඟක්‍රියාකාරකම් හා දේශීය අනන්‍යතාවය පිළිබිඹු වන අන්දමින් සකස් කල ක්‍රියාකාරකම් තුලින්ද ඔවුන්ගේ ළමා මනසට හරවත් දෙයක් එකතු කිරීම අපගේ අරමුණයි. එමෙන්ම දිවයිනේ නන් දෙසින් පැමිණෙන අප මිතුරන්ගේ විවිධ ක්‍රියාකාරකම් සහ විනෝදාස්වාද අංගයන්ගෙන් ද මෙම උළෙල විචිත්‍රවත් වනු ඇත.

සංගීතය,නැටුම්, නාට්‍ය ආදී වූ කලාත්මක අංගයන්ගෙන් සමන්විතව මෙය නවතම ආරක උළෙලක් කිරීම අපේ ප්‍රයත්නයයි. මෙහි ලා සම්පත් දායකත්වය දක්වන්නන් අතර ගරු පළාත් සභා මන්ත්‍රී පියුමාල් හේරත් මැතිතුමා, මුහුණු පොතේ මිතුරු මිතුරියන්ගෙන් හා රජරට ආයුර්වේද වෙද විදුහලෙහි ශිෂ්‍ය සංගමයෙන් සමන්විත Real Heartz කණ්ඩායම ප්‍රධාන වේ. එයට අමතරව එදිනට දිවයිනේ නන් දෙසින් පැමිණෙන මුහුණු පොතේ මිතුරු මිතුරියන්ද අප හා අත්වැල් බැඳ ගනී. 

මේ සඳහා සහභාගී වී හැකි අයුරින් සහයෝගය මෙන් Real Heartz කණ්ඩායම ඔබ සැමට සෙනෙහසින් ආරාධනා කර සිටියි 

සටහන - ඉගුරුපාන් මල්ලියා

ෆේස්බුක් ඉවෙන්ටුවට මෙතනින්  යන්න.

වැඩි විස්තර අවශ්‍ය නම් මේ දුරකථන අංක වලින් දැනගන්න පුළුවන්..

හීන දිගැසි: 0717515893

ඉගුරුපාන් මල්ලියා : 0711453399


මේ සඳහා මුල්‍යමය ආධාර ලබා දෙන්න කැමති නම් 

ACCOUNT NUMBERS----
.නම :- W.K.N.N.Gunarathna
බැංකුව :- කොමේෂල් බැංකුව - වරකාපොල ශාඛාව
ගිණුම් අංක :- 8128013263

නම :- W.K.N.N.Gunarathna
බැංකුව :- මහජන බැංකුව - අලව්ව ශාඛාව
ගිණුම් අංක :- 149-2-001-0-0020110 

කියන ගිණුම් අංක වලට ලබා දෙන්න පුළුවන්. ඔබ ලබා දුන් ආධාර මුදල් පිළිබඳව ඉහත දුරකථන අංක වලට හෝ ෆේස්බුක් මගින් දැනුවත් කරන්න.

රියල් ෆේක් බේදයක් නෑ.ඔක්කොම එන්න , සමගියෙන් අවුරුදු සතුට විදින්න...

දිනය: 2014 අප්‍රේල් 05
වේලාව: 9:00 a.m
ස්තානය: මලියදේව ළමා නිවාසය

සංවිධානය: රියල් හාට්ස්® - REAL HEARTZ®

මේක තමයි ළමා නිවාසෙට යන පාර.
කුරුනෑගල ඔරලෝසු කනුව ළඟ ඉඳන් එනවනම් නුවර පාරේ එන්න ඕනි.ඇවිත් විදුලි බල මණ්ඩලේ ගාවින් බහින්න...පයින් එන එක අමාරුයි.ඉතින් ඔරලෝසු කනුව ගාවින් ටිකක් ඉස්සරහට ආවාම ෆිල්ම් හෝල් එකක් තියනවා.එක ගාව බස් නවත්තනවා(රතු පාට කොටුව)..ඒ ඕනෙම බස් එකක් නැගලා කියන්න විදුලි බල මණ්ඩලේ ගාවින් බස්සවන්න කියලා...පොඩි දුරක් තියෙන්නේ.

බුකි ප්‍රේමය

රිලේෂන්ෂිප් වී අවසානයි
ඔහු සතු වී කාලය බෝමයි
නොලැබෙන මා නොපතන්න
බුකියෙන් මාගේ යන්න

පරාජයේ දුක මට පුරුදුයි
සැනසුම නුඹ වාගෙම ඈතයි
බුකියේ ඔබගේ ඉන්න
තව මොහොතක් ඉඩ දෙන්න

චැට් නොකරම මම ඉන්නම්
එය හදවත හඬවයි නම් //
ලොග් නොම වී ඔබ ඉන්න
ප්ලස් ගුගල් වත් යන්න
ප්ලස් ගුගල් ගොස් ඉන්න
දිවුරුම් නම් බෑ දෙන්න

ප්‍රේමය පුද දී අවසානයි...

ආදරයක් තියනව නම්
ස්කයිපෙන් පිළිතුරු දෙන්නම් //
අන්ෆ්රෙන්ඩ් වී පිට වෙන්න
නොහඳුන කෙනෙකුන් වෙන්න
රියලෙන් යන්නම් දුරට
ෆේක් එකෙන් බෑ යන්න

ප්‍රේමය පුද දී //

මෝල් වීමට කලින් පර්ස් එක බලන්න 18 + ද මංදා

අපි කනවා බොනවා ජොලි කරනවා තමයි. ඒත් ඒ හැම දේකම මොකක් හරි සීමාවක් තියෙන්න ඕනේ. කතාව කියවලා ඔයාලට මොනවා හරි හිතෙන දෙයක් ලියල යන්න. (ආයෙමත් කියන්නේ මේක ලිව්වේ කට්ටිය ආතල් ගන්නවට විරුද්ද වෙන්න හිතල නම් නෙවෙයි ) සල්ලි තියනවනම් කාපල්ලා බීපල්ලා ආතල් ගනිල්ලා අපට 

මොකෝ...............  

මේක දැනට වසර කිහිපයකට කලින්මට සිද්ද උන ඇත්තම සිද්දියක්. මේ ලිපිය මිට කලින් ඔය සිද්දිය වෙච්ච කාලෙදිම වගේ සිතුවිලි පවුරට ලියපු ලිපියක්. මේ දවස් වල සිතුවිලි පවුර වැඩිපුර ඇක්ටිව් නැති නිසාත් ආයෙමත් මගේ බ්ලොග් එකේම මේක පල කරලා දාන්න හිතුනා. 

මේ සිද්දියට අදාළ පුද්ගලයන්ගේ අහල පහල දන්නා කියන අය වත් සිංහල බ්ලොග් කියල ජාතියක් තියන බව වත් දන්නේ නැ කියල මට විස්වාස හින්ද නම් ගම් එක්කම ඉස්ටෝරිය ලියල දානවා.

මේකේ ප්‍රධාන චරිතයේ නම තමා මයුර කියන්නේ . මගෙත් පරණ ෆිට් එකක්. ගම දබුල්ල පැත්තේ උනාට ඉන්නේ මැද පෙරදිග රටක. මේ කියන දවස් වල පොර  අවුරුදු ගානකින් ලංකාවට ගොඩ බැහැලා ආතල් ගන්නවා. මෙන්න හිටපු ගමන් මගේ 4 න්  එකට එනවා නොදන්නා නම්බරෙකින් කෝල් එකක්.  

"හලෝ ඔය අ......නේද? , මාව  අදුනන්න පුලුවන්ද?"

මම: "කටහඩ නම් පුරුදුයි, ඒත් හරියට මීටර් නැ , කව්ද බන් ඔය?" 

"මයුරයා බන් දබුල්ලේ මතක නැද්ද?"

මම: "අම්මට උඩු, මයුරයා කවදද බන් ගොඩ බැස්සේ ? දැන් කොහෙද උඹ ඉන්නේ?"

"යාලුව්ක් හම්බවෙන්න කොළඹ ආව බන්. හෙට ඒජන්සියට යන්නත් ඕන  දැන් අපි ඉන්නේ කඩවත. උඹ මේ පැත්තේ ගැවසෙන බව දන්නා හින්දයි කෝල් කලේ .. කොහෙද ඉන්නේ පොඩ්ඩක් සෙට් වෙමුද?"

මම: "හරි මචන් මම දැන් ගනේමුල්ලේ. උඹ කැන්ඩි එක පිටිපස්සේ පොට්‌ එකේ උඩ තට්ටුවට පලයන් විනාඩි දහයෙන් මම ඔතන".

ඔන්න ඉතින් ගනේමුල්ලේ කර කර හිටපු වැඩෙත් මග තියලා මේ රෙපත් විනාඩි දහයෙන් කඩවත අදාළ ස්ථානයේ...

මයුරයයි උගේ කඩවත අනිත් යාළුවයි ඒ වෙනකොටත් වැඩ පටන් අරගනයි තිබුනේ. දැන් ඉතින් රෙපත් සෙට් වෙලා තුන් දෙනාත් එක්කම වැඩ... බලන් යනකොට මයුරයාගේ යාලුවා ඒ පැත්තේ ආණ්ඩුවේ දේශපාලකතුමෙක්ගේ ලග ඉන්න ගෝල බාලයෙක්ලු. 

බෝතලේ පටන් ගන්නකොට පටන් ගත්ත සරත් ෆොන්සේකා නිදහස් කිරීමේ කතාව පතුල පේනකොට රටේ දල ජාතික ආදායමේ වැඩිවීම දක්වාම කතාව ඇදිල ගිහිල්ලයි තිබුනේ.. 

"මල්ලි බිල ගේනවා" 

වේටර් මල්ලිට කතා කරපු මයුරයා 2000?=  කොලයක් ඇදල අරන් මෙසේ උඩට දැම්මා

"ඉතුරු සල්ලි තියා ගනින් මල්ලි"  කියපු මයුරයා වේටර් මල්ලි සල්ලි අරන් ගියාට පස්සේ  ආයෙමත් කට ඇරියා 

"මචන් මම රට ඉදල ආව එකා. ඉතින් දැන් අපි බෝතල් ආතල් ගත්තා ඇතී. මට බඩුවක් සෙට් කරලා දියන්කෝ ගහන්න",

පුහ් !!! මල මගුලයි මේ හදිසියේ වෙරි මර ගාතේ දැන් හොයපන්කෝ මුට ගහන්න බඩු. 

දැන් මොකැ කරන්නේ ?

"පොඩ්ඩක් හිටපන් බන් අපේ ලොක්කා පාවිච්චි කරන භාණ්ඩයක් තියනවා. කෝල් කරලා බලමු." එහෙම කියපු මයුරයාගේ කොළඹ යාලුවා ටිකක් එහාට ගිහින් ගත්තා කාටද කෝල් එකක්.

"හරි මචන් බඩු තියනවා, හැබැයි ටිකක් ගාන සැරයි . ඒත් බඩු කොලිටියි මොකද කියන්නේ" පොර ඇහුවා 

"බඩු කොලිටි නම් ගාන ප්‍රශ්නයක් නැ" මයුරයා කියපි.  බුවා ආයෙත් මොනවද කියලා අපේ ලගට ආවා  

"තව විනාඩි 10 කින් ඉන්ද්‍රා හෝල් එක ගාවට ත්‍රිවිල් එකකින් එන්නම් කිව්වා. සුපිරි කෑල්ල උබලත් දන්නා කියන එකක් බලපල්ලකෝ ආවාම. එහෙනම් අපි අතනට යමුද?" 

ඔන්න ඉතින් මගේ බයිසිකලෙත් එතනම තියලා තුන් දෙනාම පයින්ම ඉන්ද්‍රා එක ලගට ආවා  

රතු පාට ත්‍රිවිල් එකක් ආවා අපේ බුවාට කෝල් එකකුත් ආවා. 

"හරි මචන් අන්න අර ත්‍රිවිල් එකේ බඩු ඉන්නවා. මම 9 කණුවේ පොට්‌ එකත් සෙට් කළා උඹ මේකේ නැගලා පලයන්." 

තුන් දෙනාම ත්‍රිවිලේ ලගට ගියා ඒක ඇතුලෙ හිටියේ ඉදල හිටලා ටි වී එකේ එහෙම දැකල පුරුදු මුණක්. (කව්ද කියලා අහන්න එපා එයාගේ නම නම් මතක නැ )

මයුරයව ත්‍රිවිල් එකට නග්ගලා මමයි අනිත් බුවයි බයික් එක දාල තිබුන තැනට ඇවිත් රාගම පාරේ අපේ බෝඩිමට ආවා. ටික වෙලාවක් බෝඩිමට වෙලා කයියක් ගහගන ඉදලා එයා යන්න ගියා. ඇදට වැටුන මටත් එහෙමම නින්ද ගියා    

රෑ 7 ට විතර මම ඇහැරුනේ කෝල් එකක් ආව නිස කතා කලේ මයුරයා, 

"හලෝ මයුරයා මොකද කරගත්තේ "?

"මචන් පොඩි හදිසියක්".

 ඇයි මොකක් හරි ප්‍රශ්නයක්ද ?

"4 න් එකෙන් ඔව්ව කියන්න බෑ බන්  ඉක්මනට කොමර්ෂල් ඒක ලගට වරෙන්, 

මොනා කරන්නද  මමත් ඉතින් එතනට ගියා. මෙන්න බුවා ඉන්නවා ෆුල් සෑඩ් මුඩ් එකේ සුපිරි ස්වීට් ඉස්සරහ 

මොකද බන් උනේ ?

මචන් සල්ලි ගන්න ගිහින් කාර්ඩ් එක හිර උනා බන්, දැන් අතේ සතේ නැ 

එතකොට අරක?

මම ඇහුවා 

"පර්ස් එකම හුරලා ඒකිට දීලා යැව්වා. දැන් මට ගෙදර යන්නවත් සල්ලි නැ. හෙට උදේ ඒජන්සියට රුපියල් 30000 /= ක් බදින්න ඕනේ. දැන් රෑ වෙලා නිසා මාලේ වත් උකස් තියන්න කඩයක්වත් නැ.  දන්නා කෙනෙක් ඉන්නව නම් කියපන් බන් ලොකු උදව්වක්....

 

මොනවා කරන්නද? මමත් එහෙම්මම ගත්තා කෝල් එකක් අදුනන මුදලාලියෙකුට මිනිහ පොත් ගැන දැනගත්තත් රත්තරන් ගැන දන්නේ නැ. එත් ඉතින් මාව ඇපේට අරන් අරුගේ මාලෙට සල්ලි දෙන්න මුදලාලිය කැමති උනා.

මයුරයවත් බයිසිකලේ තියාගන ගියා රාගම මුදලාලිගේ ගෙදර

"මල්ලි මේකට මම උපරිම 35000 /=  ක් දෙන්නම්," 

"අනේ තව කියක් හරි දෙන්න මහත්තයෝ මේක පවුම් 1 1/2 ක් විතර තියනවා. දැන් මයුරයා අඩනවා." 

 මට දෙන්න පුළුවන් ගැන තමයි කිව්වේ . අනිත් එක මම මේවා ගැන  දන්නෙත් නැ. මේ අ...... මල්ලිට බෑ කියන්න බැරි හින්දයි මේ උදව්ව වත් කරන්නේ.

කොහොමින් හරි මුදලාලිගෙන් සල්ලිත් අරගන රාගම ටවුමට ආවා 

"මචන් ඔහොම පොඩ්ඩක් නතර කරපංකෝ "

බයික් එක නතර කළා විතරයි මෙන්න මේ යකා දුවගෙන ගිහින් බියර් ටින් දෙකක් උස්සගෙන ආවා. 

"ඇයි හු@#@$ උඹට මෙච්චර දෙයක් වෙලත් ඇතී වෙන්නේ නැද්ද?"

 මම ඇහුවේ මු එක්ක අම්බානක තද වෙලා  

 "මම අද රෑම දබුලු යනවා උබ කට වහගන මාව පුළුවන් නම් මාව කඩවත ටවුමින් බස්සපන්"

"එතකොට හෙට ඒජන්සියට සල්ලි බදින්නේ නැද්ද? "

"රට යන්න නම් කවද බැරිද?  මේ ඉන්න ටිකේ ආතල් එකේ ඉන්න ඕනේ"

පිස්සොත් එක්ක කතා කරලා වැඩක් නැති නිසා මම ඌව කඩවත ටව්මට දාල ඇවිත් නිදා ගත්තා. ඊට පස්සේ මම කෝල් කලත් මිනිහගේ 4 න් එකත් වැඩ නොකරන නිසා මොනවා කර ගත්තද රට ගියාද තාමත් මෙහේද කියන්න නම් දන්නේ නැ.