මොර සූරන වැස්සට

හංගන් ඉන්න දරදඬු 

පිරිමි හිත යට

ඉඩෝරයට හසුව වියලුනු 

හදවත 

තෙමාපන් මොර සූරන 

වැසිදියෙන් 

ප්‍රේමයේ සැඩ රළින්

කැඩී සුනු විසුනු වී 

යන්නට 

ගල් සිත් වාන් දොරටු

 සියල්ලම

___ 

ආදරේ

රුවැති ජනපද කලණියට

පෙම් බැඳී නන්ද කුමරුට 

පෙනුනා නම් ඇය පසුව 

නවදැලි හේනක 

දැවුණු වැදිරිය ලෙසට 

රුවට පෙම් කල සඳ

දෙසිත වේ නම් දෙපසක

වැහැරුණු පසුව රුව 

කෙලෙස වෙලෙමිද සෙනෙහසින් මම 

ගතින් උන්නත් දෙපසක

දෙසිත වෙයි නම් එක තැන

රුවෙන් තව මොන අරුමද?

පාරෝට පෙම් කොට 

බේබද්දෙක්ව මියගිය

දේව්දාස් ඇත්තට 

         උඹ නම් මහ පිස්සෙක් .........

බුකි බිත්ති ආදරේ

ගෙතෙන කවි පද වැල් සමග

පින්තුර ආදරේ බේරෙන 

ටැග් වෙයි බිත්තියට 

ආදරේ හොයාගෙන 

නුඹේ අතිනුත් ගෙතෙන

ලියවිලි ප්‍රේමයෙන් නැහැවෙන 

ෂෙයාර් වෙයි බිත්තියේ

බඹර කැල වෙහෙසන්න 

බුකියෙන් එහා ගිය

නුඹේ හිත දන්න මම 

නරඹා බඹර සැණකෙළි 

සිනාසෙනවා මිසක් 

      වෙන කුමක් කරන්නද?.........