වෙනස් වීම

ගෑනු හිත හරියට 

නුවරඑළියේ කාලගුනේ වගේ

කතාවට කිව්වට 

උඹේ හිත ඊට වඩා 

පට්ට ස්පීඩ් 

වෙනස් වෙන ලෝකයක

එකම තැන පල් නොවී 

වෙනස් වෙන ඒ හිතට 

මං පට්ට ලයික්

........

ප්‍රතිරූප

සඳට පෙම් කල සඳ 

සිත රිදුණි ඔබ සඳ නොවූ සඳ

සැබෑවට

මලට පෙම් කල සඳ 

දැනුනි කටු අග නටුවේ විස

තරුවකට පෙම් කල සඳ 

දැනුනි හිරුගේ රශ්මිය 

සිතක ඇඳී ප්‍රතිරූපය

නොවේ කිසිදින සැබෑව 

සඳක් මලක් තරුවක් නොව 

නුඹ නුඹම වූ කල 

යලිත් එන්නම් මතු දින ......

පලා යාම

වද දෙන විට 

හෘද සාක්ෂිය තමාටම

 

සොයාවි මං පෙතක් 

පලා යන්නට

හදවතින් තමාගේම 

දිව ගොස් ඔලුව හැරුණු හැරුණු අත 

සොයයි සැනසීම දිවියට 

එනමුත් 

දිව ගොස් හති වැටි

නැවතී බලන කල 

වෙහෙසව 

සැගවෙන්න නොහැකි වුන 

හෘද සාක්ෂිය තවමත් 

තමා ළඟ...

____