තනිකඩයාගේ අඳෝනාව

මේ කවි පන්තිය මුහුණු පොතේ මිතුරකු වන කනිෂ්ක දසනායක 

මිතුරාගේ නිර්මාණයක්. 

(මෙව්වට රෙපාව ගාවගෙන එහෙම කමෙන්ට් 

දාන්න එපා ඈ. රෙපා අහිංසකයි රටක් වටි. ඌ මේවගේ එව්වා ලියන්නේ නැහැ ;) 

එහෙනං කියවලා බලලා කමෙන්ට් එකකුත් දාන්න හොදේ...)

...................................................................................................

වැලන්ටයින් දිනට අපේ ගමේ කොලු ගැටව් 

තැන් තැන් වල රඟන රැඟුම් දකින විට බොලව්

අඬෙන අයුරු තනි ඇහැකට කෙල්ලනේ බලව්

අපිට කොයින්දෝ ලස්සන බූල් බලු පැටව් ..............

දෙකට ගණින්නට දන්නැති සූකිරි කොල්ලන්

පෙම් ලෝකයෙ සුවය විඳියි දාගෙන කෙල්ලන්

හැට පනින්න කිට්ටු උනත් තනිකඩයෙකි මන්

වරෙන් මල්සරා, ඇවිදින් අපිටත් විදපන් ..............


පෙම් ලෝකයෙ මිහිරි සුවේ අප හට අහිමිද

මල් සරාගෙ හී කොපුවේ ඊතල ඉවරද

එහෙමත් නැතිනම් කරුමෙට මා මඟ හැරුනද

මල් සරාගෙ මල උලව්ව විදින්නෙ කවදද

වළළු ලූ අතින් බත් උයලා කන්න
 
සඳ ඇති රැයක මිදුලේ දොඩමලු වන්න 


දැන්නම් කල හොඳයි මට මිනිහෙකු වන්න

හිමි කල මැන ළඳක් දෙවියනි උඩ ඉන්න...


මෙතරම් කලක් තෙමි තෙමි ගිය මහ වැස්සේ

ආසයි යන්න ළඳකගෙ කුඩයක් අස්සේ

තනිකඩ හිතේ නෙක නෙක සිතුවිලි ගැස්සේ

යන්නට හිතයි මේ දැන් කෙල්ලක් පස්සේ....


මොකද තමුසෙ මෙච්චරටම අපිළිවෙල

නාගන වරෙන් දැන්වත් කපලා රැවුල

කියමින් ළඳක් හඬවා සිය මිණි මෙවුල

කවදද ඉතින් එන්නේ වී මගෙ පවුල...


මත්පැන් වලට දුම් වැටියට තිත තියලා

උන්නොත් ළඳක් ගයි මා මිනිහෙකු කරලා

මගෙ දුක ලඳුණි ඔය රන් සවනින් අහලා

පින් සිදු වෙයි වරෙව් මගෙ පැල වෙත දුවලා....


ගේ දොර ඉඩ කඩම් වස්තුව ඇත එමට

කන්නට දිය හැකියි මිය යන තුරු නුඹට

නැතුවත් කමක් නෑ දෑවැදි නම් මෙමට

දැන්වත් වඩිනු මැන කෙල්ලෙක් මගෙ හදට....


......................................................................................................


සයිබරයේ සිහින සැණකෙළිය 2013 ලග ලගම එනවා කියලා 

දන්නවනේ . 

දවස අප්‍රේල් මාසේ 21 

තැන මහරගම ජාතික තරුණ සේවා සභා ක්‍රීඩාංගනය.

උදැසන 9.00 සිට 

එහෙම නම් 

එදාට එන්න දැන්ම ඉදලම ලෑස්ති වෙන්න.

වැඩි විස්තර සයිබර් සැණකෙළියේ නිල බ්ලොග් අඩවියෙන්

ගණිකාවෝද මනුෂයෝය - පසු වදනක් 18+

ඇත්තටම මේක කලින් ලියනවා කියලා හිතපු පොස්ට් එකක් නෙවෙයි. කලින් ලිපි දෙකෙන් මේ කතාව නවත්තල දාන්න මම මුලින් හිතාගෙන හිටියත් මුහුණු පොතෙන් ජාතිය අමතපු සද්දාවන්ත උපාසකවරු දෙතුන් දෙනාටත් පුංචි හරි උත්තරයක් දීලම මේක නවත්තන්න හිතුවා. Draft වල මේක පුස් කකා තිබිලා දැන් ගොඩාක් කල්.  ඒ අය අහපු ප්‍රශ්නත් එක්කම මම මේ ප්‍රශ්නේ ගැන දකින විදියත් කියලා මේ පොස්ට් එක නවත්තනවා.

මුල් කතාන්තර දෙක කියවපු නැති අයට

 ගණිකාවෝද මනුෂයෝය

 ගණිකාවෝද මනුෂයෝය (අවසානයක් නොවේ) 18 +

ඔය දෙකේම තියෙන්නේ සමාජය විසින් ගණිකාවක් කියලා හදුන්වන කාන්තාවක් සමග මුහුණු පොතේදී කරපු සංවාදයක සාරාංශයක්. මට මෙතැනදී කියන්න ඕන උනේ ගණිකාවක් කියල කියන්නෙත් මනුස්ස දුවෙක් කියන එක. මේ ඒක වැරදියට වටහාගත්ත උන්ගේ කතාන්තර වලට මම සමාජය ගැන දකින ආකාරයෙන් චුටි උත්තර ටිකක්.

ගණිකාවක් කියන කෙනා බිහිවෙන්න නම් එයාගෙන් සැපයෙන සේවයට සරිලන විදියේ ඉල්ලුමක් තියෙන්න ඕනේ. අදාළ සේවයට මිලක් ගෙවන්න කැමති පාරිභෝගික මහත්තුරුන් ඉන්න තාක්කල් ගණිකා ව්‍යාපාරය කියන එක නවත්තන්නත් බැහැ. මොකද එදා බුදුහාමුදුරුවෝ වැඩ වාසය කරන කාලෙත් ඔය කියන නගර ශෝබිනියන් නැත්තම් ගණිකාවන් මේ සමාජයේ ජිවත් වුනා. එදත් මේ අය ආශ්‍රය කරන එක සැලකුනේ පහත් දෙයක් විදියටම තමයි.  නමුත් ඒ කාලේ වගේම අදත් හෙටත් ඒ අයත් අපි ජිවත් වෙන සමාජයේ කොටසක් විදියට හැමදාමත් ජිවත් වෙනවා.

ඒත් අද දකින්න ලැබෙන්නේ ඊට වඩා ගොඩාක් වෙනස් තත්වයක්. ලෝකය දියුණු වෙනවාත් එක්කම ඔය ව්‍යාපාරයත් සීග්‍රයෙන් දියුණුවට පත් වෙලා තියෙන්නේ බටහිර බලපෑම සමාජයට ගලාගෙන ඒමත් එක්ක. කාලෙකට කලින් විදි සරණ ලදුන් ලෙස හදුන්වපු ඒ අය අද ඒක කරන්නෙත් නවීන තාක්ෂනය උපයෝගී කරගෙනම තමයි. මේ සේවාව සපයන අය සමාජයේ ඉහල තත්වයක් ඇතුව ජිවත් වෙන හැටි ඕන තරම් දකින්න පුළුවන්. අදාළ කෙනා කරන රැකියාව පිලිබදව දන්නෝ දනිති,

ගණිකාව පිලිබදව කතා කරනකොට කාන්තාවකට හෝ පිරිමි කෙනෙකුට මේ රස්සාවට සම්බන්ධ වෙන්න ක්‍රම රාශියක්ම තියෙනවා. (ගණිකාවෝ යනු කාන්තාවන්ම පමණක් නොවේ) කොහොම රස්සාවට ආවත් වැඩි දෙනෙක් කියන්නේ තමන් වෙන කෙනෙක් විසින් බලෙන් මේ රස්සාවට යොමු කෙරුවා කියන කතාව. ඒත් සල්ලි කියන එක මුලික වෙලා තියෙන බල්ලෝ මරලා හරි අම්ම අප්ප විකුනලා හරි සල්ලිම පස්සේ දුවන අද සමාජයේ කෙනෙකුට තමන්ගේ ශරීරය විකුනලා යම් කිසි ආදායමක් ලබන්න පුළුවන් කමක් තියෙනවා නම් ඒක නොකර ඉන්නවා කියන කතාව බොරුවක්.

කොහොමින් හරි ඒ අය මේ රස්සාවට යොමු උනත් දවල් කාලේදී ඒ අය හොදට ආශ්‍රය කරන සුද්දවන්ත මහත්වරු බණ දේශනා කරන කොට ගේන  මුල්ම තර්කය තමයි තමන්ගේ අම්මා නංගි අක්කා මේ තත්වයට පත් වෙනවට කැමතිද කියන කාරනය. ඇයි එතකොට අද දවසෙත් ඒ තත්වයට පත් වෙලා තියෙන්නේ කාගේම හරි අම්ම කෙනෙක් අක්කෙක් නංගියෙක් කියලා ඒ අයට හිතන්න බැරි.  ගණිකාවකටයි තව මනුස්සයෙකුටයි දාව ඉපදෙන දරුවා ඒ ගනිකවගේ කුසින් බිහි වෙන්නේ අම්මා ගණිකාවක් කියලා දැනගෙනද? කොහොමින් හරි ඒ දරුවා ඉපදුනාට පස්සේ මේ සුද්ධවන්ත සමාජයේ උන් ඔය මොකකටවත් සම්බන්ධයක් නැති ඒ අසරණ දරුවට කතා කරන්නේ කොහොමද? අම්ම ගණිකාවක් උනා කියලා ඒ අසරණ දරුවා පලිද? 

තමන්ගේ කවුරු හරි කෙනෙක් දැනුවත්ව හරි නොදැනුවත්ව හරි ඒ තත්වෙට වැටුනොත් එයාලට වෙන්නේ මොකක්ද ? වැඩිය ඕන නැහැ. අපි මේ පිරිසිදු ධර්මද්වීපයක් ගැන කොච්චර කයිය ගැහුවත් දැනුවත්ව හරි නොදැනුවත්ව හරි වැඩ වරද්දාගෙන ගෙදරට ආව කෙල්ලෙක් ගැන ගමේ කොල්ලෝ සෙට් එකකට ආරංචියක් ආවොත් මොකද වෙන්නේ කියලා කල්පනා කරලා බලන්න. ඊට පස්සේ සෙට් එකම එකතු වෙලා ප්ලෑන් කරන්නේ අර ලමයව කොහෙට හරි අදින්න.

තව තර්කයක් තමයි ඔය රස්සාව කරනවට වඩා හිඟා කන එක හොදයි කියන එක ඒත් ඇත්තටම හිගා කන තරමට දුප්පත් වෙච්ච ගැහැනියකට මුලින්ම කරන්න සිද්ද වෙන්නෙත් ඔය ජොබ් එක තමයි. මොකද මේ දහම් දිවයිනේ උඹ හිතන විදියට හිතුනු ගමන් හිගා කන්න බැහැ. එහෙම හිගා කෑවොත් සිද්ද වෙන්නේ දැනට ෆීල්ඩ් එකේ ඉන්න උන්ගෙන් අම්බානක කාලා අතපය ගලවාගෙන මැරිලා යන්න. අනික එහෙම තනිවුන ගැහැණු කෙනෙක් ඉන්නවා කියලා දැනගත්ත ගමන් උදව් කරන්න එන උපාසක මහත්තුරූත් ඕන තරම්.

මම මෙතැනදී කතා කරන්න උත්සාහ කලේ තව තවත් කාන්තාවෝ ගණිකා වයාපාරයට යොමු කරන්න ඕන කියන ඒක නෙවෙයි. එත් ඒ තත්වයට කැමැත්තෙන් හරි අකමැත්තෙන් හරි පත් උන කෙනෙකුට පිළිගැනීමක් ඇති කලාම ඒකට යම් කිසි ප්‍රමිතියක් එනවා.  ඔය ජොබ් එක කරන අයට සතියකට වගේ සැරයක් මෙඩිකල් රිපෝට් එකක් ඇතුව ලියාපදිංචි කරනවා වගේ දෙයක්. දැනටත් ප්‍රසිද්දීයෙම බෝර්ඩ් එල්ල ගෙන ඉන්න පංචකර්ම සම්බාහන මධ්‍යස්ථාන කියන ඒවා බොහොමයක සිද්ද වෙන්නේ ඕක. ඒවයේ රස්සාව කරන්නේ ලයිෂන් ගණිකාවෝ, කෙලින්ම ගණිකාව කියලා හදුන්වන එක හොද නැත්තම්  ලිංගික ශ්‍රමිකයන් වගේ ලස්සන නමකුත් දුන්නොත් ඒ අයටත් සමාජයේ ලස්සනට ජිවත් වෙන්න පුළුවන්.

කෙල්ලෙක් කොල්ලෙක් බුට් පාරක් තිබ්බම සිගරට් අරක්කු බීලා තමන්ගේ ජිවිතේ නාස්ති කරගන්නවාට වඩා සමාජයෙන් හැන්ගෙන්නේ නැතුව ආරක්ෂිතව මෙහෙම කෙනෙක් ආශ්‍රය කරලා  ඒ අයවත් ජිවත් කරවලා තමන්ගේත් ආසාව සපුරා ගන්න එක හොද නැද්ද?. "රුවක් ඇදෙනවා කවුදෝ එනවා "  "අභිසාරිකාවන්ගේ උන්මාද නෙතු අතරේ " වගේ ගීත වලින් කියලා' තියෙන්නේත් ඔය වගේ බුට් පාරවල් කාලා ගණිකාවෝ ආශ්‍රය කරලා නන්නත්තාර කර ගත්ත ජිවිත ගැන. මේ කියන කොටු පැනිල්ල සමාජයේ සුලබවම සිද්ද වෙන දෙයක් නිසා තමයි ඒ වගේ ගීත අදටත් ජනප්‍රිය. අඩුම ගානේ ආදරේ නැතත් සතුටක් හරි ජීවිතේට තියෙනවා.ඒ වගේම මේක ඇබ්බැහි වීමක් නොකර එක පාරක් දෙපාරක් කරලා ඒ දේ නවත්තලා සැබෑ ආදරේ හොයා ගන්න එක ඇඟට ගුණයි. 

අරක්කු සිගරට් වලට ප්‍රමිතියක් ඇති කරලා නීතිගත කළා නම් ඇයි මේකටත් එහෙම ප්‍රමිතියක් දෙන්න බැරි. ගණිකාවක් වෙච්ච කෙනා ඒ තත්වයට වැටිලා ඉවරයි. ඒත් ඒ අයගෙන් බිහිවන දරුවෝ සදහටම වේ* ගේ පුතාල වෙන්න ඕනද? අන්න  ඒ වගේ කරුණු නිසයි මම කිව්වේ අර වගේ ගණිකා ව්‍යාපාරය නීතිගත කරලා යම් ප්‍රමිතියකින් තියන්න ඕන කියලා. එතකොට අදාළ අවශ්‍යතාවය තියෙන අය ඒ වැඩේ කරගනියි. ව්‍යාපාරය කරන අයත් කියක් හරි හිතේ නිදහසින් හොයා ගනියි. අනික ඒ කාන්තාවට නැති උනත් එයාට ඉපදෙන දරුවෙකුට හරි අනාගතේ ප්‍රශ්නයක් නැතුව යහතින් ජිවත් වෙන්න පුළුවන් වෙයි.

අනික ගණිකාවක් කියන කෙනා බිහි වෙන්න නම් ඒ අයගේ සේවය ලබන්න තවත් කිහිප දෙනෙක්ම සම්බන්ධ වෙන්න ඕනේ. සේවය ලබාගන්න අය තමන්ගේ වැඩේ කරගෙන ඉවර වෙලා පස්සේ ගණිකාවන්ට බැනලා වැඩක් නැහැනේ. මේක නවත්තන්න ඕනෑම නම් කරන්න තියෙන්නේ ඔක්කොම එකතු වෙලා ගණිකාවන් ආශ්‍රය කරන එක නවත්තන එක විතරයි. ඒදේ සිද්ද වෙච්ච දවසට ඔය උපාසක උපාසිකාවෝ හිතාගෙන ඉන්න සිහින දේශය ගොඩනැගෙයි

රෙපා සිංහල බ්ලොග් අවකාශයෙන් සමු ගනී. අවසාන ලිපිය

සෑම ආරම්භයකම අවසානයක් ඇත. දැන් සියල්ලම සිදු වී අවසානය. සිදුවූ දේ අනුව තව දුරටත් ශ්‍රී ලාංකීය බ්ලොග් අවකාශයට මුහුණ දීමට තරම් හැකියාවක් නොමැත. සියල්ල හෙළිදරව් කිරීමට කාලය එළඹ ඇත. සිදුවූ සියල්ලම පවසා බ්ලොග් ලෝකයෙන් සමු ගනිමි.

රෙප් මහත්තයා යනු ලැජ්ජා බයට හැදුනු අහිංසක නිරහංකාර අවංක එල කොල්ලෙක් බව ශ්‍රී ලාංකීය බ්ලොග් අවකාසයම අවිවාදයෙන් පිළිගන්නා බව මට සහතිකය. එහෙත් වෙනත් පුද්ගලයකු ගේ නොමනා ක්‍රියාකාරකම් හේතුවෙන් එම නිර්මල නොකැළැල් චරිතයට හානි සිදුවීම දරා ගත නොහැක්කේමය. පඳුර වටේ තල තලා හිටියා දැන් හොදටම ඇතිය සියල්ල හෙළි කල යුතුය. මිය ගිය පසුව වුවද රෙපා යන නාමය සිරි ලාංකීය බ්ලොග් ඉතිහාසය තුල යුනිකෝඩ් වලින් සටහන් වී තිබිය යුතුමය.

පසු ගිය දිනවල  ගං  5  පැත්තේ මල් වත්තක ගේට්ටු ගෙදරක් තිබුනා කියා ඔබ සැම දන්නවා ඇතිය.එයට රෙප් මහත්තයා සහභාගී වුවා යයි ඔබ සැම සිතා හිටියත් සත්‍ය එය නොවේ. එදින පැමිණියේ රෙපාගේම නිවුන් සහෝදරයාය. ඔහු නමින් අරුණ හෙට්ටිආරච්චි ය. උගේ නම අරුණ උවත් රෙපා ඔහු අමතන්නේ අරු + නයා කියාය. අරින තරමක් අරින්නේ නයි ය. රෙපාගේ නම විකුණාගෙන එදින ගෙට්ටුවට සහභාගී වී ඔහු නිකම් සිටියේද නැත. එදින සිදුවූ  යයි කතා ගොඩාක්  කරමින් පැවසිය. සිංහල බ්ලොග් කරුවන් ගැන හොදින්ම දන්නා මා ඔහු එසේ අරින්නා වූ නාග රාජයන් පිලිබදව කෙසේ විස්වාස කරම්ද. ඒ කතාව ඇසු මට  සියල්ල එපා විය. තව දුරටත් බ්ලොග් අවකාශයට කෙසේ මුහුණ දෙන්නද. ඔබම තීරණය කරන්න අදින් පසුව මාමා සමු ගනිමි.  මේ එදා අරුනයා පැවසු කතාවයි. (ඔහුගේ නයි ඇරිල්ලෙන් කාගේ හෝ සිත රිදුනේ නම් සමාව භාජනයකට දමන්න.) 

ඔන්න් ඉතින් මම එදා  පාතක් නැතුව කොටුවේ ඉස්ටේසම ඉස්සරහ කැරකි කැරකි ඉන්න කොට කස්ටියක් සෙට් වෙලා ඉන්නවා දැක්කා. උබේ එකවුන්ට් එකට හොරෙන් ලොග් වෙලා මල් කඩනකොට දැකපු මුණු ටිකකුත් තිබ්බ නිසා ඉතින් මමත් එතනට ලෑන්ඩ් කළා 

මොකක්, මගේ එකවුන්ට් එකට හොරෙන් රිංගලා 

ඔව් ඔව් බං 

හයියෝ විනාසයි වෙලාවට ඒක මකලා දැම්මේ නැත්තම් උඹ තව මොන මගුලක් කරයිද මන්දා ඒකේ 

හරි හරි බං කෑ නොගහ හිටපන්කෝ විස්තරේ කියන්න 

ඉතින් මම දැනගත්තා මුන් ටික කොහේ හරි පිස්සුවක් කෙලින්න තමයි යන්නේ කියලා. උඹේ නම විකුනලා මමත් සෙට් උනා ඉතින් එතනට. 

ඉතින් ඉතින් 

මුං යන්නේ ගං 5 පැත්තේ මල් වත්තකට කියලා තමයි කතා බහෙන්  තේරුනේ. මල් බලන්න බැරි නම් කඩන්න හරි කමක් නෑ කියලා එතන ඉන්නකොට ලොම් හැලිච්ච පුසෙකුයි පිස්සු දොස්තර කෙනෙකුයිත් ආවා කියනවා ඇහුනා . වාහන ගොඩක් තියාගෙන පයින් ඇවිදින බැංකුවක වැඩකරනවා කියන එකෙක් සල්ලි සල්ලි කියලා බලන්නේ නැතුව මටත් නොමිලේම ටිකට් එකකුත් දුන්න නිසා මමත් ගිහින් නැග්ගා උන් එක්කම කෝච්චියට 

අම්මට සිරි ඉතින් ඊට පස්සේ 

ඊට පස්සේ තමයි ආතල් එක. කෝච්චියේ ගෑනු ළමයෙකුට යන්න බැහැ. රත්න පුරේ ජංගි මලයා ගේ මුනෙන් පැණි බේරෙනවා. එෆ් බි ඉන්නවද අහනවා. බ්ලොග් ලියනවද අහනවා. ලැප් එක දිග අරගෙන කෝච්චියේ ගිය ගෑනු ළමයි දෙතුන් දෙනෙකුට බ්ලොග් දෙක තුනකුත් හැදුවද කොහෙද ගමපහ යන අතරමග.

මදැයි ගුටි කෑවේ නැතුව ගියා 

මගුලක් කතා කරනවා ඒ අස්සේ අර  කාටුන් එකේ ඉන්න බලු කුක්කයි පැරිසියේ කෙල්ලෙක් ගැන බයිලා ගගහ විලක්කු පත්තු කරගෙන දගලන එකයි පොඩි උන්ගේ නලාවක් අරගෙන එකෙන් අක්ෂර අල්ලනවා. වෙලාවට අර විකාරද බිමා කොල්ලා ක්ලාස් ගිහින් හිටියේ. අහල පහලක හිටිය නම් මුන් දෙන්නව මරාගෙන කනවා කෝච්චිය ඇතුල්ම.

ඔහොම ගිහිල්ලා ගිහිල්ලා යාන්තම් මිනිස්සුන්ගෙන් ගුටි නොකා ගම්පහ මල් වත්තට ගියා කියමු. ඊට පස්සේ තමා වැඩේ. ජේ වී පි කාරයා බව ලෝකෙට පෙන්නන්න රතු පාට ෂර්ට් එකෙක් ගහගත්ත එකෙකුට මයික් පොල්ලක් අහු වෙලා අර රිලවට මොකක්ද අහු උනා වගේ  අතාරින්නෙම නැතුව කියවනවා කියවනවා. 

ඔය අස්සේ මිනිහා එතන හිටපු එක එකාව අදුන්වා දෙන්න ගත්තා 

"මේ ඉන්නේ සිංහයා සහ සිංහ දෙනුව, මෙන්න පිළිගන්න ඔබේ හිතාදර පුසා "

ඇයී යකෝ අහල පහල  හිටපු උන් හිතුවද දන්නේ නැහැ මේ සිංහයෝ යි පුසොයි ගැන කියනකොට සත්තු වත්තකට ඇවිත් කියලා 

කියවලා අදුන්වලා දීලා ඉවර වෙලා පොර අපිත් එක්ක ගියා රබර් ගහක් පෙන්නන්න. මිනිහා ටෝක් එක දුන්නේ නිකන් මිනිහා ඉන්දලා පොර දාල හදපු ගහක් වගේ. ෂුවර් එකටම දවස් දෙක තුනක් තිස්සේ කතාව පාඩම් කරලා තියෙනවා 

පවු බං අර සිරා කොල්ලා. ඔහොම කියන්න එපා 

අනේ පලයන් බන් යන්න ඊට පස්සේ එක්ක ගියා ලොකුම රබර් කදක් කියලා එකක් පෙන්නන්න. කද දැක්කා විතරයි අර ගාල්ලේ ලි මෝල් කාරයා තඩි බනියා ගහ වටේටම ගිහින් පොටෝ ගහනවා. ෂුවර් එකටම හෙට අනිද්දට බුවා පටෝනවා ඔය ගහ උගේ ලි මෝලට 

එහෙමවත් කරලා උගේ හයිබ්‍රිඩ් එකට තෙල් ගහගන්නේ නැතැයි අහිංසක කොල්ලා ඉතින් ඊට පස්සේ 

ගහයි කදයි බලලා පිට්ටනියට ආව කියමුකෝ 

.................. අදාළ පුද්ගලයා බ්ලොගයද වසා දමා බ්ලොග් අවකාසයෙන්ම අතුරුදන් වූ නිසා මෙම කොටස ඉවත් කර දමන ලදී...........................

ඊට පස්සෙ මුන් ටික පටන් ගත්තා ක්‍රිකට් ගහන්න. අම්ම මුත්තා කාලේවත් දැකල නැහැ එහෙම එකක්. පිස්සු හැදෙනවා. වල් රජා පාක් එකේ ඉන්න කපල් වලින් උගේ අන්තප්පුරේට කෙල්ලෝ හොයනවා. ස්කුබියා එහෙට දුවනවා මෙහෙට දුවනවා. රත්ගමයා සෙලිනව පරිස්සම් කරනවා දිනේල්කයා විලක්කු පත්තු කරනවා බැට් එක පැත්තක බෝලේ තව පැත්තක සෙල්ලම් කරන උන් උන්ගේ ලෝක වල 

මැච් එක බාගයක් ඉවර කරලා කන්න හම්බ උනා. ඒක නෙවෙයි නෙවෙයි අප්පා ඉවසන්නම  බැරි උනේ ගෙදර ඉන්නකොටත් අර බස් එකේ හොටු චොයිස් අහනකොට ඇහෙන අයිසා ගේ ටකරන්  සද්දේ. ඒකි එතනත් හොටු චොයිස් කරන්න හදනවා.

පවු බං අහිංසක කෙල්ලට ඔහොම කියන්න එපා.

ඔව් ඔව් කෙල්ලෙකුට මොනවා හරි කියනකොට උඹටත් අනුකම්පාව පහල වෙනවා. හිටපන් මගෙන් මොකුත් අහන්නේ නැතුව.

ඊට පස්සේ ගෑනු ළමයින්ට තොප්පි මාරු කරන්න ගත්තා. එකෙන් නම් දිනුවේ අර හැමදාමත් අහක යන තොප්පි ඇදලා අරන් දාගන්න හදන චතුවා තමා. තොප්පි කොතනද චතුවා එතන

ඉතින් ඉතින් 

කොල්ලෝ ටික මැච් එකේ ඉතුරු කොටස පටන් ගත්තා. කාපු බීපු තැන් වල වැඩි වෙලා ඉන්න හොද නැති නිසා මට ගෙදර එන්න හිතුනා. එන්න පිටත් වෙන හදනකොට පැත්තක ජංගම ඉස්කාගාරම දෙක තුනක් රජා, පවනි නංගියා. සුලගිල්ලා සෙට් එකම ලග නවනවා, මලියා සිතියමක් දිග අරගෙන ගෙදරට යන පාර හොයනවා. උගේ හිතේ ඒක ගුගල් මැප් එක කියලා. සුම් කරන්න ගිහින් තව ටිකෙන් දෙකට ඉරනවා සිතියම

 

පට්ට ආතල් නේ ඕයි දැන් නම් මටත් අපරාදේ කියලා හිතෙනවා 

ඒ උනාට උඹ කියන ඒවා තඹේකට සුවර් නැහැ නේ. හරි හරි උඹ පිලි ගැනේ නැත්තම් නිකන් හිටපන්. අන්න අප්‍රේල් 21 තියෙනවා උඹලගේ සයිබර් සැණකෙළිය. එදාට මිට වඩා ආතල් ගන්න පුළුවන් උඹ පලයං එදාට ඕන නම් 

අරු නයා කියූ කතාව අවසානය. මු කිව්වේ අමු කෙබර බව මම හොදාකාරවම දනිමි. මෙවන් බොරු කාරයෙකුගේ සොහොයුරෙකු වශයෙන්  තව දුරටත් බ්ලොග් ලෝකයට මුහුණ දීමේ හැකියාවක් මට නැත. මම ඔබෙන් සමු ගනිමි. ඔබ සැමට ජය

ප.ලි 

උඹලා ආතල් එකේ බලාගෙන ඉන්න ඇති නේද රෙපා මේකෙන් තොලොංචි වෙලා යනකං. රෙපාට ඇති නිවුන් සහෝදරයෙක් නැත. එයද රෙපා විසින් ඇරී නාග රාජයෙක් බව සලකන්න. හිත රිදුනු එකෙක් ඉන්නවා නම් සමාව භාජනෙකට දාගන්න. දිග වැඩි උනා වාගේ නිසාත් අනුන්ගේ කොම් එකකින් ලොග් වී හදිසියේ කෙටු නිසාත් පොඩි පොඩි අවුල් ඇත. කෙටුවේ හුදෙක්ම මඩක් ගැසීමේ පරම පිවිතුරු චේතනාවෙන්ම පමණි 

 කමෙන්ටු වලට රිප්ලයි නැවත කොම්පියුටර්  කටුවක් ලැබුණු දිනක බව කරුණාවෙන් සලකන